Onderstaande tekst is niet 100% betrouwbaar

mut bang die Volk; diemaek sellie almael how Johannes voor een Propheet.

27. En sellie ha antwoordt Jesus, en ha seg: ons no weet; soo hem ha seg na sender; dan mie ookal no wil seg na jender, yt wat Magt mie due die.'

28. V.) Maer wat jellie denk ? een Man ha hab twee Soons, en hem ha loop na die eerste, en ha seg: mie Soon! loop heen, werk van dag na die Wienberg.

29. Maer hem ha antwoordt, en ha seg: mie no wil due die; maer asteran die ka berow hem, en hem ha loop.

30. En die Man ha loop na die ander Soon, en ha seg soo ookal. Maer hem ha antwoord, en ha seg: Heere, rnie wil; en hem no ha loop heen.

31. Wie van sender twee ka due die Vaeder sie wil? jellie ha seg na hem: die eerste. Jesus ha seg na sender: waerwaer mie seg na jender, dat Tollenars en Huren loop voor jender na binne die Hemelrik.

32. Want Johannes ka kom tot jender, en ha leer jender die regt Pad, en jellie no ha gloov hem, maer Tollenars en Huren ha gloov hem; en maskee jellie ka kik die, dog die no ka berow jender asteran, dat jellie ha kan gloov na hem.

33. VI.) Hoor een ander

Gliknis: die ha hab een Husvaeder, die ka plant een Wienberg, en ka set een Heining ront die, en ka graev een Wienpors na binne die, en ka bow een Toorn, en ka verhier die na die Wiengartmans, en ka reis na bytten Land.

34. Dietit nu die Tid van die Vrygt ha ka kom, hem ha stier sie Knegten na die Wiengartmans: for ontfang die Vrygten.

35. Soo die Wiengartmans ha neem sie Knegten, een sellie ha slaeg, maer een ander sellie ha maek doot, maer die derde sellie ha steenig.

36. Weeran hem ha stier ander Knegten, meer als die eerste; en sellie ha due na sender soo ookal.

37. Maer asteran hem ha stier sie Soon na sender, en ha seg: sellie sal bang mie Soon.

38. Maer dietit die Wiengartmans ha ka kik die Soon, sellie ha seg na malkander: Hem bin die Erfgenaem, lastaen ons maek hem doot, en bring die Erf na ons.

39. En sellie ha neem hem, en ha stoot hem yt die Wienberg, en ha maek hem doot.

40. Daerom, als nu die Heer van die Wienberg sal kom, wat hem sal due die Wiengartmans'?

41. Sellie ha seg na hem:

Sluiten