Onderstaande tekst is niet 100% betrouwbaar

A doncq me dirent bien doucement vous mangeriez doncq aussy tost de la chair, le jour du bon Vendredy que le jour de Pasques?

Je leur ay respondut que quand au jour, il ne me sont en riens differentz. Soit en quelque temps, que ce puisse estre au Karesme, ou hors du Karesme, de tout ce que me seroit presente jen mengeroie avec action de grace, et en foy nen faisant scrupule en riens. Mais sy je scavoie bonnement que celuy quy me voit manger periroit pour la viande, je ne le vouldroye faire: a cause que je ne chemineroye point a ediflcation, mais a trebuschement et scandale. Et le laysroye aussy pourcequele royaulme de Dieu ne gist point en viande et que soit que je mange ou ne mange point, je nen suys point plus sainct 1 Timoth. 4.

Apres m'ont demande sil ne falloit point prier la vierge Marie pour estre advocate vers son fils. Jay respondut que quand a la vierge, je le tenoye avoir estre trouvee vierge voire playne de grace et beneicte entre les femmes: et que le SeQr avoit regarde 1 humilite d'une telle ancelle, tellement que le filz du Treshault le saulveur du monde est venu reposer en son ventre noeufz mois, prenant d'elle nostre humanite et apres la enfante sans corruption. Et que ce a este celle qui e creu auxparolles de langel, dont pour ce le recognoy bien heureuse. Mais de luy donner plus grand tiltre, et que ce qui appartient a son filz le donner a elle, ja n'adviengne. Car je ne suis point apris d'elle mesme de luy donner tiltre d'adoration, ny de le prier quelle me soit advocate en vers son filz. Mais plustost elle mesme ma dit parlant de son filz aux nopcez de Cana en Galilea disant: Faictez tout ce quil vous dira '). Jeusse bien faict la responce en peu de parolles, mais il ma semble bon de leur dire tout cela, pour ce que vous scavez quil donnent a entendre au peuple, que nous desprisous la vierge et que nous la desiectons.

A doncq mont demande sil ne failloit point prier les sainctz mortz, pour estre noz advocatz envers la court celeste?

Jay respondut que je ne recognoissoye aultre advocat que Jesus Christ le juste, ayant acquis eest office par estre mort et crucifie pur et innocent et nul plus propre: car le pere na prins son bon plaisir en nulz comme en icelluy car en luy na

1) Het volgende tot d esiec t o n s is geschreven met kleinere letter en anderen inkt. Koint niet bij Van Haemstede voor.

Sluiten