Onderstaande tekst is niet 100% betrouwbaar

foy contenuz au symbole, pour monstrer que nestoit hereticque, ne scismaticque a requis au dit magistrat de leur donner par escript ee que sentoit du simbole des apostres; ee que luy a este accorde et dont la copie sen sieult, extraicte de celle escripte de sa inain et presentee au dit magistrat, pour se excuser de ce nom hereticque.

La grace et paix de nostre bon Dieu

et pere eternel par la faveur de son filz vous soit donne pour salut.

Mes amys pour ce que je scay que ceulx qui m'ont presente a vous, et que maintenant suis livre deux en voz mains, non comme pour ung chrestien, mais (comme ils disent) pour ung hereticque et scismaticque. Lequel nom je ne porte pas trop volontier, et ne me plaist gairez, pour ce que ne me tiens pour tel: mais povre pecheur Chrestien (hier volgen eenige woorden, in den tekst behoorende, op den rand bijgevoegd: ouLuthérien sil ne vous plaist m'apeller aultrement combien que Lutherien ny hereticque je ne desire d'estre appelle, mais povre pecheur Chrestien sil vous plaisoit). Et affin de vous donner raisons pourquoy je me dys Chrestien, et non hereticque, ou tel semblable.

Je vous prie au nom du Seigneur que en patience veulliez lire, et ouyr les raisons. Cest le symbole des apostres, et articles de foy que je croy que vous confessez, que tous Chrestiens doibvent scavoir et croyre. Dont je suis esmerveilliez que ceulx qui se sont mis sus, ou que on a ordonne pour enguerir la foy de ceulx que maintenant on apprehende, que principallement dicelle croyance, vray symbole, et articles de foy ilz me demandent, veu que nous 1'appellons, la croyance des chrestiens comme je croy vrayement quelle est, et sur la quelle aussy je fonde ma foy.

Mais cest un pitie et quasy pour enplorer destre ainsy menez daveuglez. Car je scay que pour icelle croyance et vrays articles de foy ne seray juge a la mort: mais seullement pour non adherer et vouloir croyre aux commandemens d'hommes. Or bien le Seigneur face de moy sa volonte: Je suis a luy et a la vye, et a la mort. Je vous escriptz cecy seullement (au moins sil fault que je seuffre) que ne me jugez pour hereticque, car je ne suis ignorant de la croyance et articles des Chrestiens. Mais les croy toutz simplement selon la petite capacite de foy

Sluiten