Onderstaande tekst is niet 100% betrouwbaar

hem, ende docrsach die regul van den Tempelieren ende van den Hospitaliten, ende maecte dair een regul uyt alst hem beliefden, ende institueerde, sette en confirmeerde dese nieuwe Ridders Oirde, en gaff hem dat hoir overste habijt soude sijn, wit met een swcrt cruys daer op, ende hair wapen ende hair banier soude wesen enen witten scilt met een swert cruys. Hy gaf hem dat Duytsche huys ende Duytsche Hospitael van onse Lieve Vrouwe van Jherusalem. Ende Paus Celestinus gaf desen Oirden doe die selve privilegiën ende vriheyden, die die Templiers ende Hospitaliers hadden, ende gaf dairtoe sonderlinge gratiën ende aflaet, wie hem te bate quam of goet dede.

„Ende Paus Celestinus gaff volcomen macht den Patriarch van Jherusalem, dat hij dese nieuwe oirde voerseit geven soude hair eerste habijt, dat witten habijt mitten swerten cruys, ende dat hij hair eerste professie ontfangen soude, ende hem geven dat Duytsche huys ende Hospitael tot Jherusalem van onsen Lieven Vrouwe. Ende die Keyser Henrick voirsz. gaf macht den Coninck van Jherusalem, ende Hertoch Frederick van Zwaven sijnen broeder, datse uyt macht des Keysers dese Oirde souden vestigen ende geven dat weerlike sweert, ende dat sijse yerste Ridders maken souden, ende wie dat voirt van den Oirdes Ridder wairt, dat die uyt mogentheyt de Keysers altijt voirt Ridders slaen ende maken mochte, mer wie Ridder in de Oirden worde, dat die ten mynsten van Ridderscap geboren soude wesen.

„End al dese Ambassatoers quamen van den Paus ende Keyser voirsz., int Heer van Akers, ende alle dit voirsz. medebrachten, so verbliden hem die Princen daer in, ende de Patriarch van Jherusalem, ende Hertoch Frederick van Zwaven vergaderde alle die Princen, ende so waren dair XL edeler goeder mannen, die hyr devotie ende mynne toe hadden dese voirsz. Oirde aén te nemen. Ende sij quamen ende vielen op haer knyen ende begeerden desen Oirde te onfangen. Ende die Coninck van Jherusalem sloech den yersten Ridder, ende Hertoch Frederick den anderen, ende so voert anderen Princen tot XL toe. Ende doe vielen si op hoer knyen voir den Patriarch ende voir den Byscopen, ende deden hoer professie ootmoedeliken, ende die Patriarch gaf hem dat Duytsche huys van onser Liever Vrouwe van Jherusalem voirsz., ende datse voort hebben souden ende wesen Heeren

Sluiten