Onderstaande tekst is niet 100% betrouwbaar

in den selve gerichte, als incompetent, erkandt ende pronuncyrt wurde, van ghene werden te wesen;

Dan urn die wairheit ende tgestalt van desser saicken te vernemen, seggen die gemeyne Ridderschap ende Steden vurs., dat die beyde Marschen oft pasturagiën, beyde voir Deventer liggende, namentlicken die eyne Marsch geheiten die hoeghe Marsch, by der Stadt van Deventer in rustlick ende vredelick besith is gewest, so langhe die Stadt van Deventer gestaen hefft, off then minsten soe lange, dat dair ghene mynschen van older tot older contrairie van gehoirt mogen hebben. Oick hefft die Stadt van Deventer op dessen selven hoghen Marsche, den die Stadt myt eyne landtwer aen die eyne zide, rondtumme affgevredet hefft, baven menschen memorie stenen huyseren borchfreden ende woninge gehadt, die voell hondert jaren olt synnen, nementlick dat bolwerck, naebij den Fursten van Gelre, Altenae genoempt, ende noch een woenynghe genoempt den Yperenborch, ende op desse beyde huyseren vurs., liggende opten Marsche vurs., hefft die Stadt van Deventer altijd oir meynsluyden ende dieneren gesath ende die borchgreven daerop sittende myt oiren stadtbaden van Deventer doen bieden ende verbieden, peynden ende anders als 't recht eischet, vor den Rurgemr. bynnen der stadt 1)., als oir competent richtcre ende anders nergens; welcke borchgreven oick der stadt D. alt ij t geedet synnen gewest ende noch synnen luiedens deges, als ondersaten ende verwanten der stadt D. ende niet des Fursten van Gelre vurs.

Ende soe die selve hoghe Marsche van den scamelen burgeren der Stadt Deventer geweidet wurde myt oren koen ende anders, hefft die Stadt 1). soe langhe sy gestaen hefft off eniger mynschen memorie wesen kan, altijt oire meynsluyden ende dieneren opten Marsche vurs. geschickt, ende alle ongewairde beesten dair van geschut ende bynnen D. gebracht, tselve die Furst van Gelre in synre

Sluiten