Onderstaande tekst is niet 100% betrouwbaar

Fol. iv. Wij Wenemer, hcre tot Kuyck, maken kont end kenlich allen luden mit desen apenen brieve. Want Johan van Cuyck, onse lieve aldeste soen, yn nut end urber onses lands van Cuyk bi rade end willen des dorluchtigen vursten heren Willems, hertoge van Gelre, greve van Zutphen, onses lieven genedigen heren end den onsen. Johannam, naturliche dochter onses lieven heren vorgenoemt, onse lieve nichte, heift tot sijnen elichen wijve gesellijnne end beddegenoit apenbairlich mit hande, monde end gaven getruwet end bislapen, daromme hebben wij Johannam, dochter onses lieven heren vorgenoemt, onse lieve nichte, ghetuchticht end oer tot oren lijve ghemaket, tuchtigen end tot oren lijve alse langhe als si leift maken end gheven jairlike rente drier hondert guder ailder guldener schilde, gud van golde end recht van gewichte, te boren end te heffen also langhe als hi leift ut den alynghen renten die nu tobehoren of her namails invallen solen of mogen onser heirlicheit van Kuyck, gelegen in onse kirspelen van Sanbeich, Vierlinxbeke end Gheisteren. Dat is te weten ut den gruten, molen, tynsen, pechten end allen erven end tobehoren onser heirlicheit van Cuyck yn den kirspelen vorscreven, sonder argelist. End gebieden daromme onsen rentemeister end allen onsen amptluden, die nu syn end hijr namails comen solen, dat si Johannen onsen lieven nichten vorscreven die vorghenoemde jairlike rente drier hondert schilde alse vorscreven is, allo jare alse langhe als si leift utreyken end duen gheven sonder wederrede end sonder ander bevelenisse van ons of onsen erven end nakomelynghen dar af te wachten. In getuch hebben wij onsen segel an desen brief duen hanghen. End willen dat Johan, onse aldeste soen vorscreven ende here Gerit van Vorsler, onse rentemeister, desen brief mit ons besegele end dat onse soen vorscreven gelave end sekere yn guden truwen alle vurwerden vurscreven vast, alynck end stede te halden, sonder ferpel end argelist. Dat wij Johan van Cuyck

Sluiten