Onderstaande tekst is niet 100% betrouwbaar

Gelre, wij Willem, van derselver gnaden hertoge van Gelre ende greve van Zutphen ende Katherina van Hollant, hertoghinne ende grevynne te Gelre ende tot Zutphen, onse ziegele ende ziegele dier vurscreven onser principale medesculdere ende burgen mit onser rechten ende sekere vvetentheit ende van onsen geheit van onser beden ende geboede an dese brieve sint gehangen. Et nos principales debitores antedicti. Ende wij principale sculdere ende burgen als wij vurscreven sijn wij bekennen dat alle dese vurscreven saken tsamen ende sonderlich wair sijnt ende dat wij ons als principale sculdere ende burgere mit gesamender hant ende een igelich voir all ende ongescheiden in gueden truwen geloevende ende sekerende in hande dier vurscreven coeplude ende hoere gesellen in alle dier manieren formen ende Fol. 31. vurwerden als vurscreven is ons verbunden hebben. Ende hebben onse eygene ingesegele ende wij burgermeistere, schepenen ende raidslude ende gemeynde dier stede Ruremunde, Venle, Erkelents ende Nyestad vurscreven onser vurscreven stede ingesegell mit segelen onser duirluchtigen heren heren Willem, hertogen, vrouwen Marie, hertoghinnen te Gulich ende te Gelren, heren Willems, hertoge ende greven ende vrouwen Katherinen van Hollant, hertoginnen ende grevynnen te Gelre ende te Zutphen, tot hoeren beden geheite ende geboede an desen brief doin hangen te meerre sekerheide ende getuyge alle deser vurscreven saken. Ende wij willen ende verwilkuem of eynich zegel of segele hier an gebreken of gebreke of dat sij van alder of bij ongeluck gequesden of te breken ende of eyn transfix of meer an desen brieve gehangen wuirden ende of dese brief avermits woirme gegatert of natt wuirden of omme eynich ander mysvall gequait weren of hier namails wuirden, doch soe soilen dese tegenwerdige brieve in hoere dait ende vestinge sonder mysprisen bliven. Gegeven ende geschiet the Castre int jair der geboirte onss Heren dusent driehondert tachtentich

Sluiten