is toegevoegd aan uw favorieten.

Acten betreffende Gelre en Zutphen 1376-1392

Onderstaande tekst is niet 100% betrouwbaar

erkleirnis ind punten also als un dat alre nutzlixste ind urberlixste is, gelijc dat onse rait ind vrinde her na geschreven dat gedaidingt ende geraempt hebben. Vort so sullen wir yn truwelic behulpich, vorderlic ende beredich sin an onse lieve gemynde here ind vrouwe van Gulic na alle onser maege ind na ynhalde yrre brieve, privilegien ind vriheide die sij ind yre gesellen van onsen here ende vrouwe vurgenoemt ende van ons hebben. Ind alle diese vurscreven punte geloven ende sekeren wir yn in guden truwen vast, stede ind unverbruclic te halden, te doen ende te vollvoeren in alle der wijs as vurscreven is. Alle argeliste ende alle helpen, geistlix ind werntlix rechtz, die yn unstade doen muchten in allen punten ind vurwerden vurscreven gentzlichen uytgescheiden. In urcunde ind der warheit dieser vurscreven saken so hebben wi onse siegel mit onser wieten, guden willen, bij geheite an diesen brief doen hangen. Ind hebben vort gebeden heren Henric, here van Ghemen, heren Wouter van Ysendorn, heren Johanne van den Velde, rittere, Ard van den Gruithuse, onsen rait, Johanne van Wessem, onsen scholtit, Johan Averecht ind Diedric van den Griende, schepene tot Ruremunde, die hier over ende aen geweist sin, dat sij hoere segele bij dat onse an desen brieff hebben gehangen, dat wi Henric, here van Gemen, Wouter van Ysendorn, Johan van den Velde, rittere, Ard van den Gruithus, Jo. van Wessem, Jo. Averecht ind Diedric van den Griende vurscreven omb beeden wille onss lieven gemynden genedigen heren van Gelre vurscreven gedain hebben. Gegeven int jair onss Heren MCCCLXXXV.

') ende van allen rechten, schulden ende anspraken, heisschinghen ende vorderinghen, so wat kunne ende so wie die sijn moigen nyet uytgescheiden, die wij of ymant van onser wegen hir namails heissche of anspreken, thyen of vorderen muchten yn eyniger wij se,