Onderstaande tekst is niet 100% betrouwbaar

meerre sekerheit soe hebben wij den vurscreven, Johan Reynart, Willem end hoeren erven burgen gesat, die wij vur ons, onse erven end nacomelinge gelaven in goden truwen wael te ontheffen end schadeloes te halden van allen dis briefs punten end vowarden als mit namen, heren Herman van Goch, overste segeler des haefs tot Colen, onsen lieven raet end getruwen heren Johan van Troyen, heren Hilger Quatermarc van der Stessen, riddere, heren Costyn van Lysenkirken, rentmeister der stat van Colen, heren Mathijs van Spigel geheytem Irgange end Herbort Ruwe, burgere tot Colne. End tot desen burgen vurscreven soe hebben wij oen oyck buten Colen burgere gesat as mit namen, heren Henric van Wickrade, heren Johan van Hoentzeler geheiten van den Velde, heren Henric van der

t Straten, heren Willem van Drueten ende Sweder van Koddehoven, riddere ende Johan Mompelier van Overhagen, 1. 4ÓV. knape, die sich samentliken end mallick van oen sunderliken vur ons end mit ons vur die vurscreven summe gulden vurbunden end gelaeft hebben in deser voegen hir na gescreven. Weert sake dat wij, onse erven of nacomelinge vurscreven aen der betalinge end leveringe deser vurscreven summe gulden op ennygen deser vurscreven termijn end jaer versumelick of bruckelick weren aen eynen deyl of te male, dat Got verhueden wil, soe gelaven wij Willem van Gulick, hertoge van Gelre end greve van Zutphen vurscreven, in goden truwen dat irste dat wij aen onsen nedersten portener onser burghe tot Gelre of tot Nymegen mit brieven end segelen gemaent werden van wegen der vurscreven Johans, Reynarts end Willems of hoerre erven, soe soelen wij bijnnen den neisten vertennachten tot Colen in eyne ersame herberge, die ons van hoerre wegen al dier bewiest wirt, senden dry ersame manne die van den schilde gebaren sijn mit seess perden vur ons end die vurscreven burgen, die burgere tot Colen sijn, soelen oyck bij hoerre truwen

8

Sluiten