Onderstaande tekst is niet 100% betrouwbaar

ynsett yn die helft der vurscreven tholle totter summe toe der driedusent aude guldenen scilde vurscreven. Mede sijnt vurwerde, dat die here van Bronchorst vurscreven noch sijne erven die boeringe der vurscreven driedusent aude scilde mit ghenen broekentg egen ons, noch tgegen onser heerlicheit, noch tgegen onsen amptluden verbalmenden ende moegen noch en soilen. Oick so en sal men dit geit mit ghene rechte besettèft noch bekummeren, dat den here van Bronchorst vurscreven en sijnen erven ende dengenen die he ofte sij dair ynne doit setten onstade doin soile ofte moege yn boeringe des gelts vurscreven. Alle dese vurscreven gelaeften ende vurwerden hebben wij voir ons ende voir Willem onsen soen gesekert ende yn goiden truwen gelaift, sekeren ende yn goiden truwen gelaven, yn desen apenen brieve heren Willem heren van Bronchorst vurscreven ende sijnen erven vast stede ende onverbrekelich te halden yn allen manieren als vurscreven is ende hebben yn getuichnisse ende die merre vestenisse des onse segele voir ons ende voir Willem onsen soen vurscreven bi onser rechter wetentheit an desen brief doin hanghen. Gegeven int jair onss heren dusent driehondert sess ende tseventich des saterdages na Assumptionis beate Marie.

17 Augustus 1376.

Wij Willem, bi der gnaden Gaids hertoge van Gulich ende van Gelre ende Maria, bi derselver gnaden hertoginne van Gulich ende van Gelre, maken kont etc. dat wij bi rade ende goitduncken onss raeds ende onser vriende averdragen sijn mit heren Willem, heren van Bronchorst onsen neve, als van der schout dat is te weten vijff dusent ende vijfhondert aude guldenen scilde etc. die den here van Bronchorst vurscreven gebreken ende gerekent heeft van den borchgreveampt tot Nymegen yn manieren ende vurwerden hir nae bescreven. Dat is te weten in den iersten

Sluiten