Onderstaande tekst is niet 100% betrouwbaar

ende voir Willem, onsen soen, vurscreven gesekert ende yn goiden truwen gelaift, sekeren ende gelaven, in goiden truwen in desen apenen brieve heren Willem, heren van Bronchorst vurscreven ende sijnen erven, vast, stede ende onverbrekelic te hauden ende te voldoin in allen manieren als vurscreven is ende hebben omme getuichniss ende om die merre vestenisse des voir ons ende voir Willem, onsen soen, onse segele bi onser rechter vvetentheit an desen brief doin hange. Datum anno Domini millesimo trecentesimo septuagesimo sexto Dominica post assumptionis Marie.

ii November 1371.

Wij Reynolt etc. doin etc. dat wij bi rade ende goitduncken onss raids ende onser vriende geset ende gemaict hebben, setten ende maken, mit desen apenen brieven heren Willem, here van Bronchorst, onsen lieven neve ende raid, onsen borghgreve tot Nymegen ende richter yn den rike also als dat vurscreven richterampt yn den rike mit alle sijnen thoebehoeren toebehoirt den vurscreven borchgreve ampt ende mede up onse huys ende borch tot Nymegen, up vvilke borchgreveschap ende richterampt als vurscreven is ende upt huys ende borch vurscreven die here van Bronchorst vurscreven ons geleent heeft vier dusent aude guldenen scilde etc. ende ons yn gereden gelde ende wale geteylt van denselven here van Bronchorst betailt sijn. In manieren ende vurwerden hir na bescreven, dat is te weten dat die vurscreven here van Bronchorst heffen ende boeren sal alle broiken ende vervalle die verschinen ende vervallen bijnnen den vurscreven ampt ende alle richter dair ynsetten en ontsetten sal, ende mach ende die broeke ende vervalle ons rekenen sal also als gewonlich is ende geweest heeft van den ghenen die borchgreve te Nymegen geweest hebben. Voirt sal he hebben die dijckgreveschap ende een dijckgreve wesen, also als dat gewonlich geweest heeft van den borch-

Sluiten