is toegevoegd aan uw favorieten.

Acten betreffende Gelre en Zutphen 1376-1392

Onderstaande tekst is niet 100% betrouwbaar

verschouvven sal up hoeren diken, gelijch als he syne schouwe van alden tiden hir gebracht heeft. Voirt sal onse dijckgreve mit onsen heymrade alle der genre dyke die buten den gericht van Rossem lagen etc. Voirt so en sal noch en mach onse dijckgreve ende heymrait vurscreven sullen ende moegen dijckheringe doin ende driven up alle erven ende goit, dat gelegen is buten den gericht van Rossem ende dair die dijck van aids up gelegen heeft ende hir uyt comen is. Alle dese vurscreven punte ende vurwerden hebben wij hertoge vurscreven voir ons, onse erven ende nacomelingen gelaift ende gelaven in goiden truwen heren Goeswijn vurscreven ende sijnen erven vast, stede ende onverbrekelich te hauden ende te voldoin, sonder argelist. In orkonde etc. Datum anno Domini MCCCLXXX nono feria quinta post Petri et Pauli apostolorum.

Op den kant der acte staat: Fuit COpia dllacerata.

25 November 1384.

Ich Johan Koddeken van Zellar doe kont etc. dat ich alle alsulk geit, recht ende deyl als ich hadde an dat ampt yn Duyffcl gebracht hebbe ende upgedragen mit desen brieve an mynen lieven genedigen here den hertogen van Gelren ende greve van Zutphen voir zevenhondert aude scilden, die he mij ende mijnen erven bewijst heeft na ynhalt der recess ende brieve mij dair upgegeven. Ende bekenne dat ich ende mijne erven anden gelde, recht ende deyl als ich hadde anden ampt vurscreven geen recht of ansprake mer en hebben of behalden. Alle argelist. In orkonde etc. Datum anno Domini MCCCLXXXIIII up sente Katherinen dach etc.

13 Februarij 1387.

Wij Willem etc. dat wij gegeven hebben ende gheven