Onderstaande tekst is niet 100% betrouwbaar

nu en neesten Kirsmisse oever eyn jair of bynnen vertynnachten dair nae onbevangen wail betalen soilen, of wij moigen hoen alsdan uytreicken ende betalen dusent alde schilde munten ende payments vurscreven ende die ander dusent alde schilde moigen wij verhalden eyn jair lanck dair nae neest volgende mit slechten hantgelde als mit hondert alden schilden des jairs. Ende als dat jair leden is, so soilen wij Heydenric van Oyr of Heidenric of Heinric, sijnen soenen, of hoere eyn van hoen drien die helder dis briefs were of hoeren erven die dusent alde schilde mit der penen die dair op gegangen were als vurscreven steit volcomeliken ende all wail betalen. Mer weert sake, dat wij des nyet en deden ende versumelic dair an wurden in deile of te male, dat Got verbieden moit, so soilen wij hertoge vurgenoemt mit seven knechten ende acht perden ende wij Heinric van Steynbergen, praest tOudemunster tUtrecht, Johan van Hoentseler geheiten van den Velde, Willem van Drueten, etc. burgen vurscreven, soilen mallic mit eynen knecht ende twen perden bijnnen vertynnachten na manyngen Heidenrix van Oer of Heidenrix of Heinrix, sijnre soene, of eyns van hoen drien die helder dis briefs were of hoere erven, welke maningc sij ons doin soilen an den porter der borgh van Nymegen, yncomen tot Wesele in die stat in eyne eersame herberge die he of sij ons wisen soilen. Of wij hertoge vurscreven moigen eynen goiden man mit drien knechten ende vier perden vur ons ende wij burgen vurscreven moigen mallic eynen goiden man mit eynen knecht ende twen perden vur ons dair senden, aldair te leisten nae gueder lude sede ende van danne nyet te scheiden wij en hebben Heydenric van Oer of Heydenric of Heinric, sijnen soenen, of hoere eyn van hoen drien die helder dis briefs were of hoeren erven van den vurscreven dusent alden schilden ende der penen vurFol. 8iv. screven van allen cost ende schaden die dair op tot be-

Sluiten