is toegevoegd aan uw favorieten.

Acten betreffende Gelre en Zutphen 1376-1392

Onderstaande tekst is niet 100% betrouwbaar

i39°-

Fol. ii 6. Dit is die palinge van twee kampen lants die tot Eist gelegen sijn, die geheiten sijn die Acker ende den Groten kamp, des te samen is dertien mergen, dair aent oesteneynde leget die Beumelsche sege ende dat Rielairken, ende an die westeneynde die Nymegensche strait ende Ridders poilken, ende an die noirden sijde neest gelant Henric van den Lawich, an die suden side gelegen Gelis kynder van Merm ende Jan van Bijlant. Actain ValleRosarum annononagesimo.

27 Julij 1388.

Wij Willem van Gulich etc. doin kont etc. dat wij Deric Baycken, burger tot Rurenmunde, gemaict ende gesat hebben maken ende setten avermids desen apenen brieve onsen amptman ende scholteit in onser stat tot Rurenmunde, alsoe dat he alle broeken ende vervalle die dair yn verschinen ende vervallen heffen ende boeren sall ende mach als vijf marke hoge ende van vijff marken nederwaet nyet uitgesceiden, wilke broeke ende vervalle he tot sijns selfs behuef ende orber hebben ende boeren sall ende ons noch onsen erven dair af gene rekeninge af doin. Mer of Deric hoeger broeken dan van vijff marken boirden dair soilen he of sijne erven ons of onsen erven rekeninge ende bewisinge af doin. Voirt wert sake, dat Deric vurscreven of die sijne van onser wegen of gebode in onsen dienste of om sijns ampts wille vurscreven nederlegen of schade of cost hedden, dat nederliggen ende den schade ende cost soilen wij hem richten ende wale betalen sonder eynich wederseggen. Voirt bekennen wij voir ons ende voir onse erven ende nacomelingen dat ons Deric vurscreven an gereden gelde guetlich ende te danck geleent heft ende wail betailt up dit vurscreven schotit ampt dusent ende tweehondert goide alde gulden Francrycxe scilde, goit van golde ende swair van gewichte, die in onse kenlike not ende orber gekeert sijn, dair ons