is toegevoegd aan uw favorieten.

Acten betreffende Gelre en Zutphen 1376-1392

Onderstaande tekst is niet 100% betrouwbaar

bescreven ende avermids Giesbrecht geheiten die Grueter, onsen geswoeren knecht vurscreven, in den jair onss heren MCCCXCII up sente Mathys avont hebbe onse munte tot Arnhem, van guldenen, van herengroten ende van halven groten, als wij doe ende nu Bertholt Thomaessoen, onsen muntemeister tot Arnhem, deden slaen, hebben doin sagiren ende vonden die gerecht nae inhalt der brieve die Bertholt vurscreven van ons up onse vurscreven munte doe hadde ende noch heft. Hier waeren aver en an Arnt van den Gruithuis, onse zwager, Gadert van Stramprade, onse overste rentmeister, onse lieve raide, Goessen van den Gruithuis ende Jacob Bierwisch, onse werdeyne, Herman van Duren ende Henrich van Aller, onse scepenen tot Arnhem. In orkonde.

17 April 1392.

Wij Willem etc. doin kont etc. dat Bertholt Thomaessoen, onse muntmeister tot Arnhem, ons voir onsen raiden ende werdeynen tot Arnhem onsen sleeschat ende munten tot Arnhem in gelde ende in silver van allen voirgeledenen tiden thent des xiii dages in der Aprille nu neest geleden heft goide bescheidelike bewisinge ende rekeninge gedain, alsoe dat ons des wall genuget ende wij hem des bedancken ende wij hoen inder rekeninge sculdich bliven vclvii guldenen van onser nyher munten die wij hem nu doin slaen ende xxvii gulden, wilck vclvii gulden ende xxvii gulden vurscreven he ons an gereden gelde verleget ende uitgedaen heft. Ende wij bewisen hem die the boeren an onser nyher sleeschat van onser munten vurscreven. Alle argelist uitgeseget. Datum anno Domini MCCCXC secundo xvii die Aprilis.

27 April 1392.

Fol. 130. Want greve Henric van Nassouwen ende van wegen