Onderstaande tekst is niet 100% betrouwbaar

Fol. i4Óv. is onbeschreven.

Fol. 147. Wir Wilhem van Gulge, hertzoige van Gelren ind greve zo Zutphen, doin kunt allen luden ind kennen mit desen offenen brieve dat uns die erberc lude burgermeistere, scheffen ind rait der stat van Aichen, onse gude vrunde, umb sunderlingen gunst, vruntschaf ind hemelicheit wille die wir yn bewyst haint ind noch bewijsen soilen gutligen geleynt ind gehantreickt haint duysent gude swoir Rijnssche gulden, des wir ons van yn bedancken ind beloven mit sulger vaigen ind vurwerden, dat wir noch nyeman van onsen weigen noch ouch unse lant ind lude die wir nu haint of namoils krijgen moigen as lange as wir die duysent gulden yn onbezailt hain weder die vurgenoimde stat burgere ind ondersiessenen van Aichen sementligen of sunderlingen doin en soilen noch veytschaf, arch noch krot an sij van onsen weigen laissen keren in egeynre wijs. Mer alle gunst ind vruntschaf an sy keren soilen ind sy zo recht verantwerden ind onse lant ind slos yn offenen of sij gedrongen wurden ind noyt hedden ind sy beschirmen ind doin beschirmen *>nse amptlude ind ondersiessen gelich ons selfs luden alltzyt as sij des behoifden, sunder alle argelist. Ind wert sache dat wir na der hant eynge ongonst an sij keren weulden des en soilen wir nyet moigen doin wir en haven yn zierst duysent gude swoire Rijnssche gulden wederumb bezailt. Ind die bewijst zu Aichen vur des rychs weissel in weysselers hant in yre sicher vrij behalt also dat der vurgenoimde stat van Aichen da mit dan wale genoege. Ind so salt nochtant darna eynen gantzen maent lanck tusschen ons ind der vurgenoimde stat ind burgeren van Aichen in guden deingen ind vruntschaffen stain, sunder alle argelist. In orkunde etc.

Fol. I47v. is onbeschreven.

Sluiten