Onderstaande tekst is niet 100% betrouwbaar

14. Jn den ersten . ccccc . off omtrynt. cccccc. iaren, was in allen landen de ghewoinheit also to singen, als die Duytschen in den reformierdcn landen nu doin, vide Basilium magn. homil. 16 . psalm. 114 et Chrysostomum super Paulum in citatis locis. Jtem Augustinum de Catechizandis rudib. Dauidts psalmen sijnen by Basilius tyden van den kynderen op die straten gesongen, vnde by fo. c.lxxij'. Tertullianus tyden sijnt sie // oick gesongen na den eten, vide apolog . cap . 39.

Dese edele gewoinheit is in Jtalien, Gallien vnde Duytslant affgekomen, durch den onnutten Gregorianschen koirsanc. De paus mit allen mispriesteren hebben in . ccccc . iaren nyt een treffclick gesang vyt Dauidts psalmen vur den leken gemaickt, gelijck do alde pastoren vorhin deden, mer hy hefft sijn papen die echtefrouwen genomen, vnde also oirsaick gegheuen, dat van der papen boeuery, viel onreine lietgens gedicht, vnd op allen orten zijnt gesongen. Dairom laet ons Gott hoichlick dancken, dat hy ons durch sjjn vytuerkoren instrument Martinum Lutherum, vnd andere rnithelper, so viel trostelicke edele gesangen nu wederom hefft gegeuen, vnde laet ons sien, dat sie mit gotfruchtigen herten, na Paulus leer in Godes eer, van ons gesongen werden, nyt in dronckenheit, of mit jdelen gedechten sonder deuotion, als viel fleisselicke boeuen doin, onder den euangelischen naem, die Gott hoichlick dair mit vertornen.

Van Festen.

GOtt had den Jueden geboden, den seuendendach van allen lichamelicken arbeit to rusten, exod. 20. vnde sulcke rustdagen fo. c.lxxij'. weren geordenyrt om drie principale oirsaken. Ten ersten, op dat // alle menschen ledich zijn sollen, Godes woirt to horen vnde diep bedencken, als leuitic . 23 . vnd exodi. 31 . w urt gemelt. Ten tweden wart gefigurert, dat wy van eigen sinnen vnde lusten sollen rusten, vnde laten Gott in ons wereken. Ten derden is de menung, dat alle arbeidende menschen vnde beesten hoir weeckrust behoren to hebben, dat sie nyt mit onmatigen arbeit verdoruen werden, vnde hierom is oick de nacht van Gott gheordeniert. Aldus hebben oick die Christen rustdaghen van noden, mer sie sijnen nyt also an den Sabbath, off an des lichams ledichganck gebonden, als die Jueden. Doch was den Jueden viel scerper geboden horen sabbath to hilligen, dat is hillich in Godes dienst to bruicken, dan mit den licham to fyren. Des lichams ledichganck hebben sie mennichmal sorchfeldich gehalden, als sie den sabbath mit grote affgodery, off mit quaden leuen misbruickten, wairom sie dicwijl van den propheten gestrafft worden. Die papisten doin nu euen des geljjcks op horen festdagen. De Sonnendach.

Sluiten