Onderstaande tekst is niet 100% betrouwbaar

Grene. 17. Gralat. 5. Ï.Tim. 4. Ï.Tim. 2.

I) iij ' Joh. 42.

1. Cor. 3. Matt. 13.

Diij ' Heb. 10. 4.

Hyrümme willen wy em nu noch soelckes nhadhon, so willen wy darmede den dodt Christi Jesu loechen: Men mach nicht alle nadoen, dat wal ein gedan hefft. Jnt olde Testamente leiten se sick ock beschniden. Auerst ynt nye Testamente moegen sick de Christen nicht besniden laten. Se moeten sick holden an Jesum Christum, de is de salichmaker aller menschen, auerst sunderlick der geloeuigen. De hefft sick suluen vor yederman tho vorloesinge gegeuen. Hyrmede synt de selen vorloeset do vorloeset koennen werden, vnde begeren geinen andern vorloeser, darmede desse rechte vorloeser vorsaket schal werden: wente wil men se noch vorloesen, so vorsaket men, dat se vorloeset syn: de vorloeset is, de behoefft geine vorloesinge mehr. Dath Job secht. Yorbarmt yuw myns etc. dat hefft he yo nicht yn den Vo-//gefür gespraken, sunder in synen leuende, do he vul seeren was: vnde is noch na de tydt weder gesunt geworden. Darumme sluth dat nicht vp dat Vegefür vnde vorloesinge: Leest Job xix. Vnde j. Cor. iij: ys ock wyth van de meninge, dat dar solde gespraken syn, van dat Vegefür. Wente dar spreekt Paulus van de timmeringe der gemeinte, de he darna noemt den Tempel Gades, welcker tempel, kereke offte gemeente Gades, wert getimmert: dorch de predikers, nicht van vthwendigen Golde, Suluer, Edelstenen: Ilolt Hoy, Stoppel: sunder van solcken Golde, Suluer, Edelgesteenten etc. dar he van secht. Gy synt de tempel Gades, dusso gemeente is eins deels Golt, Suluer vnnde Edele stenen: noemliken de vprechten bestendigen: de dorch den brant der sunnen dar Matt. xiij. van steit, nicht vorbrant werden: dat is, de nicht dorch vorfolch van eren geloue vnde wandel gebracht werden. De in dit für, ick mene darmede, int vorfolch bestendich blifft, de is yn dith für beproefft, als Golt vnde Süluer vnde Edel gesteinen; dar de andern vnbestendich (als Holt, Stroe ') vnd Stoppel yn den für) gefuuden werden. Dorch dith für, dat is, dorch vorfolch: wert de, de se getimmert offte geleret hefft: ock beproefft yn den dach dos // vorfolchs. Sommige boecken2) holden hyr, dach des Heren: Dat is nicht recht, wente dat Greecksche holt nicht, des heren: darumme is dat wordt, des heren: eine thosettinge.

Hyrmede beuele ick einen yedern, dat he syne salicheyt hyr yn dussen leuende warnemen, vnde dat sick nemandt vorlate vp de nye vorloesers: vnde vorsaket vnd vortredet nicht dat blodt des Testamentes, sunder blyuet by den ewigen vorloeser, welcker heth Christus Jesus. Amen.

1) In 't origineel: „Stoe".

2) N.l. sommige vertalingen, die 1 Cor. 3 :13 „des Heeren" bij „dag" voegen.

Sluiten