Onderstaande tekst is niet 100% betrouwbaar

[L viij '] [L viij v;

nicht vor de Doepe. Ock nicht yn vnser gehorsamheit, sunder des einen '), ock nicht vth den vordenste vnses gelouen etc. Paulus entfenck den hilligen Geist yn der Doepe, vnde nicht vor der Doepe Actu. ix. xxij.

Hyrumme ys ock dat water (Johan. iij. vnde de hillige Geist nicht ein dinck: sunder ij. vorscheiden dingen. Wente de Coniunction Et, dat ys, Vnde, voeget ij. vorscheiden dingen by ein ander. Wo solde den Kindern de weddergeborte nicht anghan, dewile daran ein ander gehangen wert, gebaren vth den fleische, vnde gebaren vth den Geiste, se synt ock vth den fleische gebaren, darumme moethen se ock vth den Geiste gebaren werden.

Adam.

Dat wort Anothen, bedüdet egentli-//cken nicht wedderumme, sunder van bauen. Wente Ano .i.2) Supra, bauen, darher heth Anothen, van bauen. Dith wert ock Lucej. nicht vordutschet, wedderumme, sunder, van anfange, gelick men secht, Dar van ys bauen gesecht, vor, dar van ys tho voeren gesecht. Nicodemus worde sint dar van gene vthlegginge, sunder de worde Christi sint vthlegginge alse, "Water vnde Geist, vth den Geiste, de Geist de blaset offt de Windt, edder blasinge blaset, war he wil, vnde noch van bauen, dusse worde Christi synt vthlegginge. Ynde Tit. iij. hefft Paulus ock dith wordt nicht vthgelecht, sunder de gantze weddergeborte hefft he vthgelecht. He noemet de gehorte eine weddergeborte, auerst nicht van beneden, sunder de vornyinge des hilligen Geistes. Ock ys apenbar, wardorch yemandt wat ys, dar dorch is he datsulue geworden. Hyrumme is jdt nicht dorch ein ander dinck gescheet, of jdt mot hyr mede tho hoeren, dat dit voerige dar nicht affgescheden werde gelick gy de doepe allene sunder geloue willen hebben, vnde schryuen dan der doepe de geboerte van bauen tho. Auerst geloue vnde hillige geist, bliuen byein, den hilligen Geist kan men nicht hebben sunder gelouen, off Godt moeste ein wunderwerck doen tegen natur;3) so is noch-// I tans de hillige Geist nicht affgesundert van dem gelouen, sunder dorch den hilligen Geist wert de geloue leuendich, vnd degeloefft, dem ys de hillige Geist belauet Joan. vij. Hyrumme mach wal ein allene genoemet werden, so is nochtans nicht ein allene gement. Christum antrecken kan ock nicht gescheen sunder geloue. Wente Christum antrecken, is so vele als in Christo, ein nye Creatur werden, ij. Co. v. Also dat se dan in Christo syn, vnde Christus in

1) De gehoorzaamheid van éénen, Christus, Rom. 5:19.

2) Evenals quat. J j r en M v v staat hier „i." voor „id est".

3) In 't origineel staat eene komma.

Sluiten