KAREL DE STOUTE VERLEENT AAN GUY DE BRIMEU, HEER VAN HUMBERCOURT, HET RECHT OM VAN VREEMDELINGEN INVOERRECHTEN TE HEFFEN VAN HUN KOOPWAREN IN ZIJN STAD MEGEN;

ZÜTFEN 8 AUG. 1473.])

Zutphen, 8 aoüt 1473.

Octroy pour Mons' de Humbercourt de povoir lever en sa ville de Meghen certain tonlieu aval lannee sur estrangiers et marchandises estranges.

Charles, par la grace de Dieu, duc de Bourgoingne, etc. a tous presens et a venir, que comme de la part de nostre ame et feal cousin, Messire Guy de Brymeu, Sr d e Humbercourt, conté de Meghen, nous ait este remonstre, que en sa ville de Meghen, qui est assise sur la riviere de la Meuse, a trois franches foires en lan qui durent, assavoir chascune foire neuf jours entiers pendant lesquelz ledict Sr d e Humbercourt et ses predecesseurs, contes de Meghen, ont accoustume de prendre et lever les droiz de tonlieu et passaige tant par eaue que par terre, ainsi et par la maniere qui senssuit, eest assavoir durant les trois premiers jours de chascune dicelles foires, deux vielz groz de chascune navire, arrivant devant ledict lieu et seigneurie de Meghem, soit en montant ou avalant. Item, durant les autres trois jours ensuivans, quatre vielz groz de chascun navire. Item, et durant les trois derreniers jours desdictes foires deux vielz groz aussi de chascun navire. Item, de chascune charrette de ble ung groz de Brabant et par la riviere a lavenant. Item, de chascun monceau dardoises de sept ardoises de hault et sept ardoises de large trois vielz groz. Item, de chascun bateau neuf, qui premier

1) Archives Générales du Royaume ü, Bruxelles.

Fonds: Chambre des Comptes. Registre n. 731 intitulé: Registre de la Chambre des Comptes a Brouxelles touchant les affaires de Brabant commerchant en may lan mil CCCC et LXVii, fol. 142.