VAN DE CORPUT.
A. 1567, April 16.
Wy borgemeesters, schepenen ende raedt der stadt van Breda doen condt ten ernstige versuecke aan ons gedaen by Henricken van den Corput Janszone, een ingeboren ende ingeseten poorter ende borger deser stadt wesende van goede eerlicke ouders ende treffende borgers deser stadt gecomen, certificerende voir de gerechte waerheyt, dat wy denzelven Henricken van den Corput zeer wel ende familiariter kennen ende over lang wel gekent hebben, door dyen deselve Henriek van den Corput wel thien of elf jaeren lang onbegrepen dagelicx by ende voir ons gecompareert is, yerst als clerck van onsen secretaris ende daernae als procureur voir ons postulerende, ende dat wy den zelven Henricken van den Corput in denselven synen handel altijt bevonden hebben goet, oprecht ende rechtveerdich, daerin altijt eerlick, getrouwelick ende rechtveerdelick gehandelt ende hem gedragen ende gequeten hebbende ende staende dyen aengaende ter goeder name ende fame.
Actum opten zesthienden in Aprille anno XVC zeven en tzestich nae Paesschen. Present Wouwer, Buysen, Berge, Luchtenberch, Vloet, Wyfliet, Kyeb o o m.
R. A. 's-Hertogenbosch: Breda no. 811 f. 83 vo
B. 1567, Augustus 13.
Wy borgemeesters, schepenen ende raedt der stadt van Breda doen condt eenen yegelycken, dat voir ons gecomen is Johan van den Corput de jonge, oudt zijnde omtrent vijf en twintich jaeren, te kennen gevende, dat hy nu vijfthien jaeren lang sich in de studie van alderley goede consten ende leeringen geexerceert hadde