der reguleren, unde oren nakomelingen: unsen meigerhof, dat de Tegethof het, myt twen hoven arthaftiges landes, unde myt eynen kothove unde oren tobehoringen, gelegen to Sosserem under Wittenborch, unde den tegheden over dat gantze dorp to Sosserem, myt allen rechten alse wij den dar sulves enbynnen unde en buten dem dorpe an korn unde vlesch tegheden gehad hebben vor vijfhonderd gude. vulwechtige Rijnsche gulden, de wi van den vorben. heren an redem golde na unsen willen al upghenomen hebben, unde de vort in unses vorben. stichtes nud ghewant unde ghekart hebben, Desse vorben. twe hove landes, myt den hoven, unde oren tobehoringen, unde den tegheden, alze wi dat bynnen unde buten dem dorpe to Sosserem ghehad hebben wente an desse tijd, mit allen rechten unde tobehorende nud, hebben wi on in ore rauweliken vullenkomende hebbende unde brukende were gheantwordet, vry, ledich unde [los aller besweringe, aller plicht und densten, unde wi verlaten alle recht unde eghendom, dat wi unde unse stichte wente an dussen tijd an den vorben. guden ghehad hebben, unde doen des ene gantze vorticht to ewighen tij.den. Ok wille wi unde unse nakomelinge schuilen der selven vorben. guderen unde tegheden ore rechte warende wesen, wore, wanne unde wovaken on des noet unde behoef is, unde dat van uns gheësched wert, unde se entlosen van aller rechter ansprake teghen alsweme. Dat alle dusse vorg. dinck van uns unde unse nakomelingen steide gans unde onverbroken ghehalden werden, so hebbe wi den genanten heren to Wittenborch dessen bref ghegheven, ghevestent unde beseghelt myt unses capittels inghesegel witliken hyr anghehangen, Unde wi Magnus van Godes gnaden