Op alle plaatsen hier in den Achterhoek hadden ze byeenkumste 'eholden (ik geleuve , dat ze er Tclupsen tegen zeyen); daor hadden ze makare dan wat wies 'emaakt van dat goeye lèventjen, dat et volk in Erankriek hadde, en dat dat hier ook zoo most wèzen; ze hadden in ieder darp midden op de straote en boom 'epot, en daor hadden ze dan 's aovends in en kring um hen 'edanst, op de maniere as de wichter now nog wel es doet, as ze n Hei 't was in de Mei" danst.

// Maor die gekheid hef ons land geld 'ekost, meer aa y op honderd wagens laoten kunt. Eerst wazzen de patriotten dol 'ewest van pleizier, toe de prins en alle ambtenaren an den diek 'ejaagd wazzen, maor toe eur de Franse bruurs verteld hadden dat dat zóó vuile geld kostte, toe hadden ze toch wat schuuns langs de neuze 'ekekken; — afein, ze hadden toe toch vryheid, zoo as ze meenden. Ze nuumden makare allemaole burgers, want op de groote heeren hadden ze an'egaon as raozende honden. De freule van 't huus te Harreveld, hier kort in de buurte, die met dat gespuus gin doene wol hebben, hebt ze alderdees [zelfs] dood laoten schieten."

//Maor, vader! wie was er toe toch eigenlik baas in 't land ?"

«Baas? — daor was gin baas; ze wazzen allemaole baas, en dan kun y wel begriepen hoe 't er hen geet in en huusholding, as iedereene baas is. Ik wet et nog best (schoon da' 'k nog stik en dreumes van en jonge was) dat ow bestevader gedurig nao Arem mos, umdat e lid van de Grepéterde Kamer was, zoo as ze dat nuumden, en dan bakte ow bestemoeder um en stapel spekpannekoeken, en die nam e met op reize. En now mot y niet rek kenen dat de wegen toe zoo gebaand wazzen as now. As y daor tusschen Doezebarg en Arem in den Eeejensen enk [Rheedenschen enk, d. i. hoek] kwammen, dan mos y tut halfweg de beene deur 't barre zand; now ligt er en straotweg, en maakt ze er nog en spoorweg neven. — Maor — da 'k maor zeggen wil — die Eransen da's en lastig volk; as y ze an de deur an uut jaagt, dan kroept ze an 't guttegat [waar het gootwater doorloopt] weer an in; ze hadden now ens de neuze in de zaken, en begreppen dat er hier in 't land fraoi geld zat. Now dreiden ze ons ook nog op 't oor, da we eur tweehonderd-