Ego Huyckmannus de Eossem, vicarius sancte Oatharine Virginis ac Martyris in ecclesia Saltboemelensi, fateor me promisisse venerabilibus viris ac dominis d. decano et Oapitulo ecclesie sancti Martini Baltboemelensis et tenore presentium firmiter promittere in fidem juramenti prestiti ea que sequuntur.

Primum, quod fideliter pro posse et nosse meis seruabo ea que in admissione mea et institutione ad predictam vicariam juraui de deseruiendo predicte mee vicarie, et in dalmaticis in festis nouem lectionum et aliis dominicis diebus juxta tenorem ejusdem vicarie fundationis et juramenti tune temporis per me prestiti.

Item in oppido Saltboemelensi residentiam faciam corporalem, et singulis horis canonicis personaliter semper cum aliis canonicis et chorisociis cantando et legendo interero.

Item nnnquam vicariam meam aliquo tempore dimittam in manus cujusquam siue ex causa resignationis siue permutationis nisi de consensu totius Capituli plene et expresse desuper impetrato.

Et si horum quicquam (quod absit), ita ut prescriptum est, ullo unquam tempore non prestiterim, submitto me correctioni predicti Capituli absque omni dolo et fraude.

Et in signum veritatis premissorum hanc scripturam signo et nomine meo consueto subscripsi.

Actum undecima Septembris, anno millesimo quingentesimo quinquagesimo nono.