dat syn E. sich des toe genoechtlicker sall vynden laten. Ende waer inne wy U. W. (den wy alles guides boocblicken bedancken) wederom eenige vruntschap sullen kunnen oft moegen bewijsen, daer tho sinnen wy geneycht en sullen steetz mit der daeth bereijt bevonden worden, kenne Godt Almechtich, die ü. W. in gelucksaliger ende lanckwiliger gesontheit erholden moeth. Datum den ix«“ Novembris anno xlxviij.

U. W. Bereytwillige

Burgermeysteren Schepenen ende Raeth der stadt Oampen.

N». 4.

Min. ix 106.

An h. Jacob Cunretorff, Scholaster etc.

Weerdige etc.

Wij hebben U. W. schriften betreffende heren Michiel Hetsroy (den U. W. an ons gerecommandeert) ontfangen en verlesen. Nu is U. W. genoechsaem bewust, wekker gestalt wy onlancx an den licentiaetb Johan van Hattem geschreven ende denselven tot anneminge der curen van St. Nicolaus kercke binnen deser stadt ten besten vermeent hebben; ende soe wij dan van hem daerop alnoch ghien antwoort bekomen, heft ons nyet willen voegen mitten voers. heren Michiel der curen halven eetwas eyntlicks toe handelen, dan hebben syn L. opt gevoechlichst toe kennen gegeven, wie dat wy an den voirben. Johan van Hattem geschreven ende van hem tbescheit van dage to dage verwachtende weren ende dat wy derhalven mit syn E. tegenwoerdichlicken nyet evntlix accorderen konden, dan dat ons leet were Uwer W.