sullen de procuratoers in der tijt dattselfde terstondt moegen doen uuythaelen mit een pander des Hooffs van Utrecht, sonder sijluyden daerteghens yet te opposeren ') off teghens te doen.

4. Item des anderen daechs, als des Maendaechs, soe sullen alle broederen ende susteren ter kerck commen ende soe sullen de procuratoers in der tijt daer laeten doen een vigilye van negen lessen mit opstekende neghen tarnende waskeerssen, mits doende een singhende Misse van Requiem voer allen broederen ende susteren zielen, sij sijn levendich off doot; waervan de procuratoers sullen geven den pastoer twe stuever, den onderpriester ende coster elx een stuever; ende nae der Misse eer dat sij aen den maeltijt gaen, soe sullen die procuratoers van den verleden jaer boer rekeninge doen ende bewisinge voor den broederen, die dan daer bij commen, van allen ontfanck, opbueren ende uuytgeven; ende soe wat dan een ygelik broeder ende suster sal commen te geven, dat sullen sij dan terstondt opleggen ende betaelen, ende indien sij niet en betaelden of ten lanxten binnen XIIII daegen daernae, soe sullen de procuratoers in der tijt die penningen moegen uuytpanden ende scatten op enen dach aen alle baer gereetste goederen, sonder enyge oppositie ofte recht ter contrarie te sustineeren.

5. Item soe wat broeder ofte suster uuyt der voers. broederscap sterft, soe sullen de erffgenaemen haer een dertichts nae laeten doen nae ouder ghewoonten, soe verre sij die macht hebben ende believen.

‘) Het HS. las hier «npeseeran».

2) Zoowel als de derde en zevende was ook de dertigste dag na ’t verscheiden oudtijds in de Kerk bevoorrecht. Hier zien we, dat men te Vleuten ook aan dit voorrecht hield.