ben wij ons dair op versonnen voir dat alrebeste ende hebben zijt ende die Mynrebroderen des convents in onser stat an die ander zijt, dat zy ons wolde beloven ghanslike eyns alinghen gescheyts gebeden heren Ere7nbrecht, onzen kerchenen voirscreven, an die eyne tusschen hem van allen saken twyste ende schelinge in mynne ende vrientschap heen te leggen. Dair zy hem an beyden tsijden op bereeden ende quamen weder tot ons ende ghaven ons ter antwoirde, dat zy ons gerue in mynne ende vrientschape eyns ahughen gescheits geloven wolden; alsoe dat wy ons die mynne annamen ende segheden voer eyn alinghe gescheyt alles twystes ende schelinghe tusschen hem staende toe desen dagen toe:

In yrste zoe hebben wij geseghet ende segghen alle brieven, die aan beyden tsijden ghevordert sin ende gheworven, ahnge doet ende machteloes, sonder enighe voirderinge dairmede te doin toe ghiene tijden, ende die brieve an beyden tsiden in onsen handen te legghen.

Item zoe moighen zy an beyden tsiden bicht hoiren, als zy hir toe ghedaen hebben, beholdelic onsen kercheren, dat hy synen kerspelludeii raeden mach heyl ende zelicheyt oer zielen, als dat nuttest wezen sal.

Voirtmeer zoe soelen die Mynrebroderen onsen kercheren voirs.- gheven voir die quarte, die hem verschenen mach wesen toe desen dage toe ende noch verschinen mach, alsoe lange als die kercheer levet, XX nie Gelressche gulden, sonder dien kerchere of yemant van sinre weghen achter desen dage dien Eroderen enighe manynghe van der quarten mer te doin. Ende dairtoe soelen zy hem gheven voir sine cost, die hij om des pleites wille gedaen heft, xl< Gelressche gulden. Ende van dese voirscreven xx ende xl< gulden soelen die Eroderen dien kerchere betalen een dardendeyl toe Paschen naestcomende, ende eyn dordendeyl toe Midwinter naestcomende, ende dat leste darddendeyl te Paeschen daimaestcomende, sonder enich vertreck. Ende dit gescheyt ende mynne hebbe gheseghet voir dat alrebeste ende willen, dattat vast ende onverbroken gheholden sal werden van beyde partien voirs. Ende dats te verstaen alsoe langhe als her Erembrecht onse kercheren voirs. levet, sonder enigherhande argelist. In oirkonde ende kennisse der weerheyt hebben wy deser cedulen twe doin scrieven, die eeue uter anderen ghesneden. Gegeven int jair ons Heren mo iiijo op sente Nycles avent.