verhencknisz und guden willen unszer wirdigen geistlichen lieben heren inegen. Ist beret, abe wir susteren, mater und convent, und alle unszer nochkommen (dasz doch Got verhulden wulle yn syner gnaden) fillen und abestendick wurden von unszern kuschen leben und widder unszer heiligen regeln und statuten lesterlichern theden, alsdan ane alle widderrede sal die gifft und gabe des vorg. becyrcks crafftlois und unmechtelijk syn, und alsdan ane alle widderrede unszer und unszer nochkomelinge, und allermenlich von unszerntwegen, uff stunt wedder heymfallen und eygen syn unszer wirdigen geistlichen lieben heren Prior und convent, als vor datum dieszes brieffs gewest ist, und uns nicht syn cynigen abetrag ader betzalung unszer besserung, von unsz yn solicher vorgen marck und becirck geschehen. Nochmer ist bered, das wir megen, susteren und unszer iiochkommelinge tzu danck nemen sullen, abe unsz unszern wirdigen lieben geistlichen heren, ere nochkommen geben ader zustellen eyn ader mene usz iren pristern den heiligen sacramenten tzu verschen, und yn keynerley wisz dar widder schaffen ader thun, abe unsz solichs nit gesche, und auch sunst keyn andere prister kyesen ader bestellen, ane wiszen und willen unszer egen wirdigen lieben herren, sunder alltzijt unszern wirdigen lieben herren und eren nochkommen ere reverentie und obediëntie alle tzyt bewyszen, keyn susteren yn unszer versammenunge uff tzu nemen, ader eyn mater tzu kiesen ane wiszen und willen unszerns wirdigen geistliches liebens Paters und prior ader syner nochkommelinge. Zum lesten ist beret, uff dasz diesze vorgen. gifft und gabe yn gedechtnisz sy unszer und unszer nochkommelingen, so sullen wir jerlichen, und alle jair besunder