capitulari dictae ecclesiae capitulariter congregati, capituloque ad infrascripta ut moris est indicto, et capitulum representantes ex una, et honestus ac discretus vir dominus Menso de Hengloe, curatus parochialis ecclesiae in Wichmond et perpetuus vicarius altaris Sti Bartholomaei Apostoli, in dicta ecclesia Zutphaniensi situati, appellans, partibus ex altera ; non vi, dolo, metu aut quacumque alia machinatione inducti, sed sponte, libere ac matura deliberatione praehabita, omnibus melioribus modo, via, jure, forma et causa, quibus melius et efficatius potuerunt et debuerunt, ac quaelibet pars potuit ac debuit, resilierunt et quaelibet pars resiliit a compromisso, arbitrio et arbitratione initis per ipsas partes seu alteram partem eorundem in venerabiles viros dominos Magistros Everardum Lakepren, Decretorum Doctorem, decanum ecclesiae collegiatae Sti Lebuini Daventriensis, ac Goswinum Marquardi licentiatum in Utroque Jure, dictae Trajectensis Diocesis, alias ac cum stipulatione et ratihabitione solempniter factis, super lite causa et controversia occasione grossorum fructuum altaris Sti Bartholomaei praefati inter dictas partes dudum subortas, prout in instrumentis publicis per discretos viros Arnoldum Sartorem de Ransdorp, clericum Trajectensis diocesis, publicum imperiali auctoritate notarium pro parte Decani et Capituli praescriptorum ex una, et Johannem Hoghe, clericum Trajectensis dioecesis, publicum imperiali auctoritate et ordinaria admissione notarium approbatum pro dicti domini Mensonis partibus ex altera desuper confectis plenius continetur et habetur; quorum quidem instrumentorum totum tenorum partes praedictae et quaelibet earum habere voluerunt ac voluit et habuerunt ac habuit