verweerf, dat hij mit des pawes orlof vrylic dat woert Godes solde predicken, want sijn grote name ende sijn guede geruchte ende die scharpheit sijns verstandes was ynt hoef van Romen wal becaent. Mer eer dese bade wederquam, soe waert meyster Gerijt ondervangen 1) mitter doet.

In der tijt dat hem verbaden was ynt apenbaer te predicken, en was hij niet in traecheit der leedicheit; mer al heymelic pynde hij hem dat woert (fol. 117') Godes te seyen ende sonderlinge lechde hij hem an die jonge clercsken dat weren reyne onbevlecte vate ende niet bestaven van serge der werlt —: daerin dede hij alte vele gueder vruchten. Ende sine discipelen na hem lechden hem al an die jonge clercke ende an die jonge jonferen, daer sij grote vrucht in deden, ende oec noch alle dage doen.

Meyster Gerijt plach hierin soe vlitich te wesen, dat hij vake armen clercken wat dede te scriven, opdat sij soe saké cregen hem toe te spreken ende hij hem dan wat guedes mochte leeren ende trecken sij daermede totter mynnen Godes ende tot mynne der rechter duechden. Hij plach oec ondertijden sommyge gaste te bidden niet soe seer om lichamlike iiSr. voedinge als omdat hij soe mochte (fol. iiB') saké crigen hem mede te deylen dat voetsel der zielen. Want hij hadde een bequaem steedeken bij sijn tafel, daer hij buecke lechde, uyt welken hij sinen gasten wat guedes plach te leesen, opdat die edele spyse der zielen vervollede dat gebrek der dertenre spysen ende drancks des lichams.

1) overvallen.

2) H.S.; seyne.

3) derten = wuft, lichtzinnig.