- 31 -

[fol. 10. recto.)

ind overgegeven had, aen sich behalden, ind die selffe ses enckel guldens vander stadt vurschreven heffen ende boeren (beuren) wulden, alsdan sall die bruerschap dairvoor ontberen, die drije goltguldens op Oielis Kremers huys, ind die drije goltguldens op Willemken Meelres Huis vurgenoemt niettegenstaende dat die bruerschap in beide tsynse geerft, ind geguet weere, want dat alsoo sijnre meenongen niet en is, he heeft die bruerschap bewesen op die twee huysere ses goltguldens jairlicx opdat sij to beth betaelt mucht werden ind dairvor heeft hij sijne dochter Geertruyden oevergegeven die voorgenoemte sesse goltgulden op die stadt die der bruerschappen bewesen waeren, alsoe dat Geertruyt voorschreven die sesse goltgulden aen die stadt vrije sijn sall, off der andere ses goltgulden jairlicx tsijns (cijns) op die huizen vurschreven sonder argelist.

[fol. 10. verso.]

Fondatie van drije Erfflampen gemaect door Johan van Lomme in den jaere 1527 ende eener spindinge van koelen,

voor de somme van achttien guldens current, staende op de stadt van Ruremunde; ende de renten der Lampen sijn oock te vinden in 't volgende Register.

In der jaere ons lieven Heeren Jhesu Christi, duisent vijff hondert ende twintig, des twelfsten daegs in den Meert heeft Johan van Lomme der alde tzoe eeren Godts Almechtig, Marie der hemelscher Coninginne, ind allen lieven Heiligen ind mit troist, ind salicheit synre ende alle dergeenre zelen hij des voor begeert, drije Erfflampen in onser lieven Vrouwen choir hangende, beneven der Bruederschappen lampen gesticht ind bereijnt met vijftien bescheiden Hornsguldens jairlix ind erfflickz tsijns, die he gegolden heeft op Hendrick Roiders huyse achter die muijre tegen Roiders poorthen gelegen nae uitwij(sing)songe der brieve daerop gemaect, diemen vinden sall bij die ander brieve onser liever Vrouwen bruer-