- 35 -
(fol. 13. recto.]
Rekenschappen vuer die sementlicke bruederen. Ducht (deücht) = dunkt, dan den bruederen, dat der bruederschappen daermede beholpen weere, soo moegen sij denen ontfangen, ende en weere des niet, soo sullen sij des ontledicht sijn.
Voert is geordonneert, dat op die Rekenschap alle jaer, te weeten, des maenendaigs nae Assumptionis, die bruedere die daer tegenwoordich weeren, haer presencie doen sullen gelijck in desen boeck vurgecleert steijt. Ind die meystere sullen dan van der bruerschappen guede den bruederen op derre Rekenschappen, wesende tot der Rampeneringen, diemen dan daer doen sall te vollest hebben twee enckel bescheiden Rijnschgulden ende niet meer. Mer wulden die Brueder daervan nyet meer verlacht hebben, daer solde mallick sijn gelaech haeff betaelen.
Item in 't jaer van 1 XV des maenendaigs naer onser liever Vrouwendach Assumptionis, sijn die gemeene Bruederen overcommen in Lambrecht Qoltsmeetz huijs, dat die meysteren vander bruerschappen, — sij sijn buiten der stadt off dair binnen — alle jaere haere Rekenschap duen sullen des maenendaigs nae onser liever Vrouwendaich Assumptionis, ende sullen dat geit overleveren op der Rekenschappen, soo wes onser liever Vrouwen overden (over werden).
End weert saick, dat die meysteren des niet en deden, op eeniger tijt die sullen haere bruederschappen berouft sijn.
Ende oft haer eenich van den meesteren alsoo gelegen weer, dat hij niet to heym gesijn en konde, soe mach eyn ander brueder off sijne gesellen die Rekenschap duen van sijnre wegen onbekalentiert ende die meystere en sullen alsdan ouck geen Restant rekenen.
In 't jaer ons. lieven Heer XIIIIc 1 XVI -1467 - des maenendaegs naer onser liever Vrouwendach Assumptionis, soe sijn die gemeene bruederen overcommen, ende eens worden in Coenen Platvoetz huijs, als vanden cost opter Rekenschappen, soe is te weten, want vur in desen boeck geschreven steijt, dat die meysteren voor den cost den zij op der Rekenschappen duen, hebben sullen twee Rijnsche gulden ind van den wijn, den(ien) men dan drinckt niet gecleert en