46 -

vereenigen ende onder die misse der broederschap, ordine, ten heiligen Sacrament gaen sullen, omme deur Intercessie der heiliger moeder end maget Maria, van Godt Almachtich moeder, gratie te moegen verwerven, daertoe dan alle broeders ende susters hiermede liefflich vermaent werden.

Op Maenendach post Assumptionis B. Mariae 1614, sijn die artikelen ende recessen de annis 1595, 1603 end 1611 van de comparitie in der missen gerepeteert, geconfirmeert, en weder ingegaen,omme onfeelbaerlich achtervolgt te worden.

Wie men ten offeren sal gaen. [fol. 18. recto]

Ende alsoo jegelijck mael niet sonder confusie soowel tusschen den broeders als susters als men ten offeren gaet, dispuyt gevallen, wie voor solde gaen, is uitdruckelijck ingegaen, ende hinvort stricte t' onderhalden, verdraegen, ende aengenoemen, dat die broedermeisters voor, daernaer die geestelijcke broeders als daernaer eenige sijn ende dan die andere medebroeders, — in ordine, — wie sij in der Broederschap sijn ingecommen, ende aengeschreven staen, gaen, ende malcanderen volgen sullen, op pene van eenen halve(n) reael die sulcx niet naer en compt, welcke ordonnantie die susters op gelijcke pene oock volgen zullen.

Een antependium. [cfr. fol. 134.]

Is oock veraffscheijt een swarte antependium om op de commendationsdach voor den altaer te hangen, te laeten maecken.

Der Susters gestoelte.

Wie insgelijcks dat de gestoolte vande Susters aff te maecken, dat nijemandt van die Susters daerinne can commen, tot welcken eynde elcke suster eenen sleutel daervan sal gegeven worden.