is toegevoegd aan uw favorieten.

Limburg's jaarboek jrg 32, 1926, no 1

Onderstaande tekst is niet 100% betrouwbaar

31

ende ouch nu na lesten zo Stralen mit uren vrunden selver hain gesprochen, also lieve vrunt scriven wir uch eüer biddende ende gesijnnende vruntlich ind genslich, dat in wilt ansien dienst, gonst, vrede, ind gemacb, die wir ende onse manliche geboert uch ende deme lande van Gelre anbrengen moegen, ind dae mit angesien ende bedacht, dat egeijne ander, noch egeijne me manliche geboert en is zu deme lande van Gelre dan die onse ind ouch me dat omme des wil dat onser suster van Cleve ind wir die dae waren van den ijerster geboert niet erven en mochten aen 't lant van Gelre, ind onse lieve gemijnden wilnen boelen beide van Gelre den Got genedich sij, die doch waren van den lester geboirt ersden ant lant van Gelre vurss, ind sijnt dairijnne leijder bestorven, sonder alle geboert, wa bij lieve vrunt ir uch, ende ure bescheidenheit wail besijnnen ind ouch quijten wilt, as wir uch geleuven in desen vursz. sachen, ind en wilt nijmant anders darinne kennen, noch dar zo ontfangen dan ons, ind onse manliche gebeurt dat willen wir ummermeer te vorder 't gein uch bedencken, ind ouch mit allen gonsten, ende truwen verdienen, verstaende ouch ind wisende, so wes wir ind onse menliche gebuert heijsschende ind vorderende sijn, in desen sachen dat wir des walt beraden, ind bezat sijn des bij uch, ind bij den anderen gueden steden, ind der ritterscapp van melande zo blijven rechts ind bescheits, alse so wat uch duchte, dat wir van rechtswegen haven sulden, dat wir dat nemen wolden, ind wes wir nijet van recht haüen sulden dat wir des ontberen wolden lieve vrunt. Got sij mit uch: datum Duiken des donzesdaghs na hogetijde onss vrouwen Conceptie ind uren gueden wille, ende antwoirden hierop wilt ons nederscriven mit desen boden.

Jura et priv. f° 86.

Des pastoirs brieff van Ruremunde van den XX gulden. Ao 1391.

Wer scoltet, Burgemeister, Scepenen, raitt, ende ge-