Onderstaande tekst is niet 100% betrouwbaar

— 73 —

[fol. 26. verso.)

gelten off jairtsyns, welcke pene ind teringe vurschreven wir huen gelaven guetelick ind wael to betaelen mit den vurgenoemden hooftgelde ind jairtsyns : Ind wanne Gerart van Rey ind syne wyve vurschreven off haeren erven off huen seker bade derre penen ind teringen vurschreven dan niet meer duen, noch langer lyden en willen, soo verluesen wir mit desen openen brieff vur ons, onse Erven ind naecommelingen ind bidden allen heeren Richteren ind Steden, geestelich ind wereltlich, onder welcken ind wair wir off onse naecommelingen met lyve off mit guede bevonden wurden, dat die tot versoecke Gerart van Rey ind syns wyffs vurschreven off haeren erven, off haers sekeren baden,. die vurgenoemde heuftsomme geltz vander lossingen mit den jaertzyns vurschreven off den tsyns alle jair mit derre penen und teringen vurschreven dairop gegaen als vurschreven is aen onser stadtrenten ind guede, Ind aen ons ind aen onsen erven ende naecommelingen ind aen onsen ind aen haers guede, ind aen mallinck vur all uuyt willen richten ind peynden off uuyt doen richten ind peynden als schoult die voort gericht bekandt, ind mitt allen rechten vervolgt ind gewonnen were, alle argelist hierinne uuytgescheiden. Te getuige ind ter conden deser zaicken soo hebben wir onsen grooten segel van onser stadt mit onser allre wille, weeten und guetduncken aen desen brieff duen hangen. Gegeven int jaer ons Heeren duysent vierhondert eynentachentich op den eersten dach vanden Aprille des maentz.

Wer Hendrick Geldoffs ind Johan Tyertey, scepenen tot Ruremonde, tugen, dat vur ons kommen is Else van Rey ind heeft puyrlick voor ons oevergegeven ind opgedraegen Beien seligen Heynen huisvrouwe van Duiken ind haeren erven sesse bescheiden oeverlentsche Rynsche koirforsten gulden guedt van golde ind swaere van gewichte, alse vanden negen Rynssche guldens jairlicx t'syns, die geschreven staen in den principaelen brieff, dair dese brieff mit eenen transfix doorgesteken is, van welcken negen Rynsschen guldens jairtzyns Else vurschreven die andere drye guldens t'zyns behelt, alsoo dat Bele vurschreven off haer erve die sess gulden jairtsyns vurschreven van nu

Sluiten