Onderstaande tekst is niet 100% betrouwbaar

Om purper side te verwen / so neemt een pont side op vier oneen alluyns / ende siedt den alluyn met simpel water en legt die side daer in / en laetse vier uren daer in ligghen. Dan neemt op een pont side twee pont purpers / en siedt dat tegader / ghelyck hiernae bescreven staet / te weten half pisse en half water / Dat suldy alsoe te gader sieden / soe langhe tot dattet schoon wort / want het sal daermede schoone worden: en dan doeghet uit / en spoelet in schoon water.

Item op een pont siden behoort vier oneen alluyns.

Item roode side met crap gheverwet / sal men alluynen.

Item sanguyn side sal men alluynen.

Item gheluwe siden salmen oock alluynen.

(Om schoon sanguyn te verwen. Capit. L.

Neemt op elcke elle linen lakens ses gallen / die suldy te poeder stooten. Dan neemt drie ghelten waters in een cuype / en doet dat poeder van den galnoten daer in / en roeret wel om. Dan legt dat laken daer in / en keeret en weyndet wel / dan wringhet wel drooge uite. Dan latet daer in ligghen twee uren lanc / maer telker ure suldyt uit wringhen / ende legghent altyt weder in die cuype. Als die twee uren gheleden zyn / soe wringhet wel uit: dan neemt een once alluyns van den besten / en neemt drie gheltê waters in een ketel / maect dat wel heet opt sieden / tot dat al wel ghesmolten is / dan doeghet af / en doet dat lakê daer in / en doet alsoe ghi metten anderen ghedaen hebt / ooc twee uren lanc. Da neemt daer na eenen ketel / en doet daer in twee gheltê waters / dat laet ooc wel heet worden. Dan neemt drie loot bresilien / en worptse daer in / also latet sieden een vierendeel va een ure / dan neemt een goede quarte waters / en blusschet hê den sode. Dan neemt een quaerte vader verwen / en legt dat laken daer in ses oft seven pater nosters lanck / so is die verwe al te gader aen dat laken ghegaen / dan wringhet uit en handelet wel ,/ en neemt noch een sop / en legget ooc daer in / en keeret en weyndet wel: dan latet soe langhe liggen als vore / en wringhet dan ooc uit. Dan neemt dat derde sop en legghet ooc daer in / en latet daer in ligghen een vierendeel van eender uren.

3

Sluiten