Tekst
Onderstaande tekst is niet 100% betrouwbaar

iï Datoe

13 : 9 datoe i Israël. * Kon toea, jo nogopang-don ing ki Joahas, noïdondon-don ko mogogoejangëa bo ilobong-don kon Samaria. Jo ki Joas, ki adi'nja, i nobali' datoe, sinoemonggoloean ko i ama'nja. *

12. Ki Joas. Ki Joas bo ki Elisa.

10b Ki Joas, ki adi' i Joahas, i nobali' datoe kon Samaria ko intau Israël; nodatoe in sia mopoeloe' bo onom no taöng ing

11 koonggotëa. * Pinomianja ing ki inta moraat kon tajowon i Toehang; dia' sinoemolikoed in sia kon dosa inta pinokimia 1 Jerobeam, ki adi' i Nebat, ko intau Israël; dinoemoedoei in sia kon dosa toea. *

14 Kon toengkoel in toea, notakit-don ing ki Elisa, bo takitëa toea i nogatod ko inia kong kopopatoi. Kon dodai in toea namonag-don ing ki Joas, datoe i Israël, bo nokipodoengkoel ko inia bo nongombal ko inia, kainia: „Kaasi', ama'koe, ama'koe, kareta i ropatoi i Israël bo tantaranja inta toemotakoi kong

15 kabalo!" (ropot bo rogi i Israël!) * Kai n singog i Elisa ko inia: „Gama' im piot bo tonggadi' im piot." Kon toea,

16 jo ginama'nja-don im piot bo tonggadi' im piot. * Jo kai n singog i Elisa kon datoe i Israël: „Popooekat i limamoe kom piot nion." Naonda im pinomianja-don na'toea, jo pinopooekat i Elisa i limanja tontani' ko lima in datoe toea, *

17 kainia: „Boekat-ai in djandela kon dampig-moeik." Naonda im binoekatanëa-don, jo kai n singog i Elisa: „Piot-don!" Jo pinomiotëa-don. Kai n singog i Elisa: „Nion in tonggadi' im piot inta mokotalow, podoedoei in totoeloeng i Toehang! Nion in tonggadi' im piot inta mokotalow ko intau i Aram! Totoeoe,

18 talowonmoe i intau i Aram ko Afek." * Noïdoedoei, kai n singog i Elisa: „Pogama'-ai-pa kon tonggadi' im piot." Naonda ing ginama'nja-don, jo kai n singog i Elisa ko i ompoe datoe i Israël: „Popobongkoeg kom boeta'." Jo pinopobongkoegea-don

19 kotoloe, bo nogogai. * Kon toea, notapod-don im pogot i Elisa ko inia, kainia: „Kaasi', aka aindon binongkoegmoe kolima pinomaja' koonom, jo modait talowonmoe i intau i Aram; tonga' naaia tonga'-bi' talowonmoe imosia kotoloe." *

20 Kon toea, jo minatoi-don ing ki Elisa bo ilobong.

Sluiten