Tekst
Onderstaande tekst is niet 100% betrouwbaar

Ajoeb

Tonggina i Elifas inta nogindoea ko i Ajoeb: Tano-tanobonmoe i alod i intau moromoe'.

15 : 3 Kon toea, jo nosingog bidon ing ki Elifas, intau in Teman,

kainia: *

17 Naanta, naaia iakoeoi i motoendoe' ko inimoe, indongog-ai-moe-don ko inako';

inta aindon inontongkoe, toea i ooemanonkoe. *

20 Intau moromoe' i oemoeran moondok kom potomboeloi in singgainja,

intau mononomboga' i oemoeran moondok kom bajongan in taöng inta inogoi ko inia, *

21 talidongogonéa-mai i ojoet in singog inta mokotalikokog ko inia,

bo kon singgai pododamean toeoton in sia ing kodopëa.*

22 Dia'-don moharap in sia ko moïsimparoet kon sindip;

sia ing kooemaan in soemala; *

24 sisi' bo liau ing gina i monalikokog ko inia,

moïangoi ko inia i na'tongkai in datoe inta sinoemooloet ma ja' moropatoi; *

25 sin sinonggo'nja i limanja ko i Allah,

mobarani in sia molawang ko i Allah. *

Toebag i Ajoeb ko i Elifas:

Dia'-bi' pinomiakoe i romoe'. Mototoeloengkoe i ojoeon-don

kon soroga.

16 : 1 Kon toea, jo notoebag-don ing ki Ajoeb, kainia: *

2 „Naanta, singog inta nanion i aindon dinongogkoe totoeoe

monanid.

Totoeoe, moïkow komintan i monononggina inta mopokobogat kong gina. *

16 Pogotkoe i nopoera si nongombal,

bo kokiap i matakoe ing kinokoloeboengan in sindip. *

17 Oempaka-bi' nanaa, jo dia' doman noïkompit i romoe' ko limakoe,

bo sambajangkoe i loemoeai nongkong gina motoelid. *

18 E boeta', dika koloban in doegoe'koe!

E koeanikoe, dika doemona'! *

Sluiten