Tekst
Onderstaande tekst is niet 100% betrouwbaar

Mazmoer

33 : kom bajongan i intau kon toedoe im boeta'. *

15 Sia-sia minta inta nopoojoeon ing gina im bajongan i intau,

bo monondoedoet kom bajongan i oaidan-monia. *

16 Jo datoe doman in dia' mokotalow, oempaka moropot in tantaranja,

intau bogani doman in dia' moïsimparoet, oempaka moloben i ropotëa; *

17 jo kabalo doman in dia' mopokooentoeng,

ropotëa inta moloben toea in dia' moposimparoet. *

18 Naanta, totoeoe, mata i Toehang i motanow-makow ko intau inta moondok ko iNia,

ko intau inta mogolat kon totabinja; *

19 simba' poposimparoetëa imosia kong kopopatoi, bo momiag ko imonia aka malarat ing kaanon. *

20 Jo dimoekoed-nami i mogolat ko i Toehang;

Sia i mototoeloeng-nami bo kaleau-nami. *

21 Sebab nion, mopia-pia-don ing gina-nami ko iNia,

bo moharap (mongandol) ing kami kon tangoinja inta mokoedoes. *

22 Aka mobali', o Toehang, ogoi-pa in totabimoe ko inami, podoedoei im pogogolat-nami ko iNimoe. *

Ki Toehang i mojoloekad ko intaunja.

34 : 2 Potomboeloi in singgai dajo-dajowonkoe ing ki Toehang,

ponondajowkoe ko iNia i oemoeran kodoengkoelan kom bonoe im bibigkoe. *

3 Jo dimoekoedkoe i mondajow ko i Toehang;

intau inta motonsioep ing gina i mokodongog kon dodajowkoe bo moïbo-ibogan. *

4 Pokolobenon-monimoe ing ki Toehang taki-takinkoe, dajo-dajowon-naton mojotakin in tangoinja! *

5 Naonda in sinajakkoe-don ing ki Toehang, jo dinongogêa i oïgoemkoe,

binoelianëa iakoeoi nongkom bajongan i inta kinoöondokkoe.*

6 Indoi-ai-ka in Sia bo kobiag-don,

bo dia'-don mobogat im pogot-monimoe. *

Sluiten