Tekst
Onderstaande tekst is niet 100% betrouwbaar

Mazmoer

77 : 20 Jo minaja' ilkow kom bonoe in dagat,

bo notoetoei ilkow kom bonoe in toebig moloben,

dia'-don kinodoengkoelan i liod in siolmoe. * 21 Jo aindon inatodmoe i intaumoe na' kawangan in domba,

ki Moesa bo ki Haroen im pinokiatodanmoe ko imonia. *

Totoeoe mopia im pogogoetoenan i Toehang.

Lolibag i intau inta ma ja' i Jeroesalem.

84 :2 Totoeoe mopia im pogogoetoenanmoe, o Toehang im bajongan in tantara ko langit! *

3 Ginakoe i noïntoi bo nonanob kon dolaag im baloi i Toehang; jo naaia ing gimiow-don in dimoekoedkoe bo awakkoe ko i Allah inta mobiag. *

4 Totoeoe, linggot (= intau Israël) i nokodoengkoel kom pogogoetoenan,

bo tansibi' (= intau Israël) doman i nokodoengkoel kom poegad inta pogogoekatan ko i adi'nja,

mangalenja: medzbahmoe, o Toehang im bajongan in tantara ko langit,

o Datoekoe bo Allahkoe! *

5 Pia ing kamang i intau inta mogoetoen kom bonoe im baloimoe,

inta oemoeran mondajow ko iNimoe. *

6 Pia ing kamang i intau inta mogolat i ropotëa ko iNimoe,

aka moïbog imosia moboeat, maja' mokipodoengkoel ko iNimoe (ko Jeroesalem). *

7 Aka kobaja-baja' imosia ko lopa' inta dia' kotoebig,

jo baloeianmoe i lopa' inta toea, bali'on boeta' inta pomoeka'an im boekaka',

bo oejan i mopoonag im barakatëa kom boeta' inta toea. *

8 Kodioeg-kodioeg (ko Jeroesalem), koropot-koropot imosia;

sin toemajow imosia kon tajowon i Allah kon toedoe in Sion.*

9 O Toehang, ki Allah im bajongan in tantara ko langit, aka mobali', jo indongog-ai-pa i oïgoem-do'akoe,

taan-pa im bongolanmoe, o Allah i Jakoeb! *

10 O Allah, inta kaleau-nami, tanow-ai-pa,

indoi-ai-pa im pogot i inta dinoeï'moe (pogot i intau Israël). *

11 Totoeoe, tongo singgai kon dolaagmoe, toea i mopia-pia

Sluiten