Tekst
Onderstaande tekst is niet 100% betrouwbaar

Mazmoer

98 : 9 Si mamangoi in Sia, mamangoi in Sia momoetoes kom pilikara

in doenia;

poetoesonea im pilikara in doenia podoedoei ing kototoelid, poetoesonëa im püikara im bajongan im bangoesa i intau podoedoei ing ki inta totoeoe. *

Ki Toehang, Sia-don in Datoe.

99 : 1 Jo ki Toehang, Sia-don in datoe. Oerot-don, e bajongan

i intau!

Ki Toehang i limitoe'-makow kon toedoe ing keroeb. Linoeg-don, e doenia! *

2 Moloben ing ki Toehang kon Sion,

bo molantoed totok in Sia, ko limonik im bajongan im bangoesa i intau. *

3 Dajo-dajowon-monia in tangoi i Toehang, inta moloben bo mokoondok.

Totoeoe, mokoedoes in Sia. *

4 Ikow, o Datoe, motabi ko inta motoelid,

aindon pinoojoeonmoe ing ki inta motoelid,

pinomiamoe ko i Jakoeb ing ki inta totoeoe bo motoelid. *

5 Pokolantoedon ing ki Toehang, ki Allah-naton,

doemangop imoïkow kon tajowon i aip in siolëa!

Totoeoe, mokoedoes in Sia. *

6 Jo ki Moesa bo ki Haroen ing ko joeak i imangëa

bo ki Semoeël ing ko joeak i intau inta mokoeani kon tangoinja;

nokoeani imosia ko i Toehang, bo inindongoganéa imosia.*

7 Nosingog in Sia ko imonia nongkom bonoe i oïgi lokoetoi;

sinagoe'-monia i atorangëa bo oea'nja, inta inogoinja ko imonia. *

8 O Toehang, ki Allah-nami, inindongoganmoe-don i oïgoem-monia;

Ikow ing ki Allah inta mongongampoeng kon tala'-monia (i intau Israël),

dia' sinoeli'anmoe i oaidan-monia. *

0 Pokolantoedon ing ki Toehang, ki Allah-naton,

bo doemangop kon tajowon im boeloedéa inta mokoedoes! Sin totoeoe, mokoedoes ing ki Toehang, ki Allah-naton. *

Sluiten