Tekst
Onderstaande tekst is niet 100% betrouwbaar

Mazmoer

133 : Sing kon toea-ta (kon Sion) im pinopotaba'an i Toehang im barakat

bo kobobiag, oemoeran-bi' mononoi. *

Oïgoem barakat.

Mazmoer i intau inta maja' i Jeroesalem.

134 : 1 Koligai, e bajongan i olit i Toehang, dajow-don ing ki Toehang, e moïkow komintan, inta oemoeran simindog-makow kom baloi i Toehang, kobaja-bajagan-makow, *

2 tonggo'-don i limamoe, poposingajow kon tampat inta mokoedoes (totok), bo dajow-don ing ki Toehang! *

3 Aka mobali', jo ki Toehang i momarakat ko imonimoe nongkon Sion,

mangalenja: Sia inta nopokobali' ko langit bo boeta'! *

Dajow-don in totabi i Toehang.

136 : 1 Dajow-don ing ki Toehang, si mopia in Sia,

sin totabinja i oemoeran-bi' mononoi. *

2 Dajow-don ing ki Allah, inta ko limonik im bajongan in doeata,

sin totabinja i oemoeran-bi' mononoi. *

3 Dajow-don ing ki Ompoe datoe, inta ko limonik im bajongan in datoe,

sin totabinja i oemoeran-bi' mononoi; *

4 Sia-don inta momia ko oaidan moloben inta mokoherang,

sin totabinja i oemoeran-bi' mononoi; *

5 inta nopokobali' kom bajongan i langit, podoedoei ing kopopandoinja,

sin totabinja i oemoeran-bi' mononoi; *

6 inta nopongoïgi im boeta' kon toedoe in toebig,

sin totabinja i oemoeran-bi' mononoi; *

7 inta nopokobali' kom bajag moloben,

sin totabinja i oemoeran-bi' mononoi; *

8 mangalenja: mata in singgai, i momarenta singgai,

sin totabinja i oemoeran-bi' mononoi; *

9 bo boelan bo bajongan in toendi, i momarenta dolom,

sin totabinja i oemoeran-bi' mononoi. *

Sluiten