Tekst
Onderstaande tekst is niet 100% betrouwbaar

Mazmoer

136:26 Dajow-don ing ki Allah i langit,

sin totabinja i oemoeran-bi' mononoi. *

Intau Israël kom Babil.

137 : 1 Jo nogoetoen-don ing kami kom bibig in toebig im Babil, bo noomba-ombalan aka noïtanob ko inami in Sion; *

2 jo sinokobeang-don-nami ing gamboes-nami

kom pangkoi ing kajoe inta kon toea-ta; *

3 si intau inta nononggata ko inami, i nokipololibag kc inami kon toea-ta,

bo intau inta nojampat ko inami, i nopotaba' ko inami mokiporogiow,

kaimonia: „Lolibag-don ko inami i mazmoer in Sion!" *

4 Na'-bi' onda bo mobali' ing kami mololibag ko mazmoer i Toehang

kom boeta' im bangoesa tongo doea ? *

5 O Jeroesalem, aka koema dega' koliongankoe iikow,

jo dona'-ai kopoepoedan i limakoe koloanan! *

6 dona'-ai kokompitan in dila'koe kon tanongkoe,

aka koema dia' monanob iakoeoi ko inimoe,

aka panga' dia' pokolantoedonkoe i Jeroesalem,

ko limonik im bajongan im pia ing ginakoe! *

Kososoendoed i Toehang.

138 : lb Dajowonkoe iikow, o Toehang, takin limbatoe ing ginakoe,

dajowonkoe iikow takin singog bo ito-itog ko joeak in doeata;*

2 doemangop iakoeoi kon tajowon ing kaabahmoe inta mokoedoes,

bo dajowonkoe in tangoimoe, sin totabimoe bo soendoedmoe inta pinomiamoe, i noïlioe-don ko inta dinandimoe. *

3 Kon toengkoel iakoeoi nokoeani, jo inindongoganmoe iakoeoi,

pinopoloengangamoe ing ginakoe bo pinokoropotmoe iakoeoi.*

4 O Toehang, Ikow in dajowon im bajongan in datoe kon doenia,

Sluiten