Tekst
Onderstaande tekst is niet 100% betrouwbaar

SINGOG PONONONGGINA.

A. Pohohoromat ko i Toehang bo pokokantang ko atorangea.

1 : 7a Jo ondok (bangkal) ko i Toehang, toea im pomangkoian in totaau mopia, *

9 : 10b bo totaau ko i inta Mokoedoes, i mokotanang kong gina;* 1 : 7b intau pompoelong i mondoï' kon totaau bo tonggina (atorang). *

8 E adi'koe, indongog-ai-pa in tonggina i ama'moe,

bo dika bio-bio'onmoe-makow in singog (tonggina) i ina'moe; *

9 sin tonggina toea i na' tongkai im papodong mopia ko oeloemoe,

bo na' bobol (mopia) kon sigogowmoe. *

10 E adi'koe, aka intau moromoe' i momoeoi ko inimoe, jo dika doemoedoei! *

2 : 6 Sing ki Toehang i mobogoi in totaau (mopia),

nongkom bibigëa i loemoeai in totaau bo pororai (inta mopia). *

9 Aka (mokidongog ko iNia) jo komangaleanmoe ing gogoetoe' mopia,

bo bahasa moloeko' bo moaloes; *

10 sin totaau mopia i moïtorop kong ginamoe,

bo kopopandoi ing kotabi totok mg ginamoe. *

3:1 E adi'koe, dika koema kolionganmoe in tongginakoe,

pianja, tano-tanobon ing ginamoe i atorangkoe; *

2 sim pokoanto'on-monia ing kobajong in singgaimoe bo taöng ing kobiaganmoe takin in dodamean. *

3 Aka mobali', jo tabi bo soendoed in dika toemolikoed ko inimoe,

pianja, popobobol imosia kon sigogowmoe,

bo pahison imosia kom bonoe ing ginamoe; *

4 si aka nanion, jo modoengkoelmoe in totabi bo tangoi mopia

kon tajowon i Allah bo kon tajowon i intau. *

Sluiten