Tekst
Onderstaande tekst is niet 100% betrouwbaar

Jesaja

35 Sim boeta' inta dia' kotoebig im pomoeka'an-don im boekaka', bo tangaton im pomoeka'an in tapa'; *

7a tampat inta nogiot-don im baloeian, bali'on tabang,

bo boeta' inta mopojatang im pomoeka'an in toebig. *

8 Jo kon toea-ta i ojoeon in dalan inta moloben, inta tangoian: dalan inta mokoedoes;

intau inta dia'-pa dinaritan, dia' motaau motoetoei kon dalan inta toea,

sin dalan inta toea silai i intau i Toehang.

Oempaka intau mopompoelong, jo dia'-bi' in sia moïtabat kon dalan inta toea. *

9 Kon toea-ta in dia' kodoengkoelan kon singa;

dalan inta toea in dia' pamangoian im binatang inta mokokaan ko intau,

dia' lalat kodoengkoelan ko imonia ing kon toea-ta. Si intau inta pinoposimparoet-don (i Toehang) i motoetoei kon dalan inta toea, *

10 bo intau inta sinoboet-don ï Toehang, i moboei-mai bo mongintoea-ta;

mamangoi imosia toemoeot kon Sion kogio-giow,

bo moïoekat ko oeloe-monia im pia ing gina inta mononoi; ibog bo pia ing gina i modoengkoel-monia;

bajongan in saged ing gina bo jobondol in dodob i roemaboen ko imonia. *

Pokoloenganga kong gina i intaukoe.

40 : 1 Kain singog i Allahmoe:

Pokoloenganga kong gina i intaukoe, tonggina-ai-pa i intaukoe;*

2 posingog-pa ko inta pomoeoi kong gina i intau ko Jeroesalem,

pomaloe' ko imonia, kamakow:

Aindon notompod im pinononomboga' ko imonimoe bo aindon inoebolianan im boli-monimoe;

aindon nodoengkoel-monimoe i hoekoemang nongko lima i Toehang,

inta kodoea-don noïlioe kom bajongan in tala'-monimoe.*

3 Kinodongogan-don i ojoet in singog, kainia:

Tompiaan-don im oaja'an i Toehang ko lopa' im belantara,

Sluiten