Tekst
Onderstaande tekst is niet 100% betrouwbaar

Jeremia

15 : o Toehang im bajongan in tantara ko langit! *

17 Dia'-pa lalat ilimitoe' iakoeoi kom pinojosipoenan i intau inta moïbo-ibogan kong gina;

sim podoedoei ing kawasa i limamoe, ilimitoe' iakoeoi, akoe-akoeoi minta, sim pinopotoropmoe in toroe' ko inako'. *

18 Nongonoe sin dia'-don mogogai i rorigakoe,

bo dia'-don tompiaan ing kekebkoe, dia'-don jotonan?

Totoeoe, na'-don tapa' inta nogiot, ilkow ko inako',

bo na' tongkai-don in toebig inta nojontot. *

19 Kon toea, jo nosingog-don ing ki Toehang, kainia: .,Aka moboei-mai iikow ko iNako' (bo ko inta pinongojowkoe ko inimoe),

jo boeionkoe popotajow iikow kon tajowonkoe.

Bo aka tonga'-bi' mosingog iikow kon singog inta koïbogkoe, bo dia'-don mosingog ko inta dia' baragoena,

jo ikow-don i na' tongkai im bibigkoe.

Patoet i intau in simingajow ko inimoe,

tonga' dika iikow in simingajow ko imonia. *

20 Jo pomiaankoe ko inimoe i na' benteng bitoe' kon tajowon i intau;

motoeot imosia ko inimoe, tonga' dia' imosia mokodotol ko inimoe.

Si Akoeoi naa ing kotaki-takinmoe, simba' boeliankoe iikow bo poposimparoetkoe iikow." Nanion in singog i Toehang.*

Dika mongandol ko intau, pianja pongandol ko i Toehagig!

17 : 5 Kain singog i Toehang: „Kooemaan im bodito i intau lolaki,

inta mongandol ko intau, inta mogolat kon totoeloeng nongko intau inta moöatoi-bi', bo ginanja in sinoemolikoed-don ko i Toehang; *

6 sia toea i na' tongkai i intau nobodito kom boeta' inta moïngongow,

dia' mokoontong in sia ko inta mopia, inta nion tajow-mai, pogogoetoenanëa ing kom boeta' mopojatang ko lopa' im belantara,

kom boeta' moïboeng, inta dia' pinotonggolitoe'an i intau. *

7 Pia ing kamang i intau inta mongandol ko i Toehang,

Sluiten