Tekst
Onderstaande tekst is niet 100% betrouwbaar

Jeremia

Singog ko i Jojachin (Jechonia).

22 : 24 Kain singog i Toehang: „Akoeoi mopongibot ing kobobiagkoe, aka koema ing ki Jechonia, ki adi' i Jojakim, datoe i Joeda, in sising pononomponoeot ko limakoe koloanan, jo longkoetonkoe doman in sia! *

25 Popotamadkoe iikow ko intau inta motana' kong kopopatoimoe,

bo ko intau inta koondokmoe,

ko i Neboekadnesar, datoe im Babil, bo ko intau ing Kasdim.*

26 Loemboe'onkoe iikow takin i ina'moe, inta nopononggadi' ko inimoe,

kom boeta' inta mojajoe', inta deeman boeta' kinobotakan i impoejoeanmoe,

bo matoi iikow, kon toea-ta. *

29 E boeta', e boeta', e boeta', indongog-ai-moe-pa in singog i Toehang! *

30 Kain singog i Toehang: „Pahison in tangoi i intau naa na' intau inta dia' kogadi', na' intau inta dia' mopia ing kamangëa kong koonggot ing kobiaganëa;

sing ki adi'nja bo ki ompoenja, oempaka tobatoe', dia' inta limitoe' kon tachta i Daoed

bo dia' i moboei momarenta (modatoe) ko Joeda." *

Gombala (bobato) i iintau i Joeda.

23 : 1 Kain singog i Toehang: „Kooemaan im bodito ing gombala

inta mopotabat bo mopojotaboed in dombakoe (intaukoe) .*

2 Sebab nion, nosingog ing ki Toehang, ki Allah i intau Israël,

ko intau inta mololoekad (momarenta) ko intaunja, kainia: Aindon pinojo-pojogoeat bo pinopotabat-mommoe in dombakoe,

dia' iloekadan-monimoe imosia.

Sebab nion, naaia in toeli'ankoe ko imonimoe i romoe' i oaidan-monimoe. *

3 Jo Akoeoi tontani' i mosipoen ko agat-pa ing kawangan in dombakoe nongkom bajongan im boeta' inta pinopotaboedankoe ko imonia,

bo boeionkoe imosia atodon ko lopa' pongongaanan-monia, bo moboeï'-don imosia kon toea-ta bo kodoegang-kodoegang ing koanto'nja. *

Sluiten