is toegevoegd aan uw favorieten.

De Keuren van Zeeland

Onderstaande tekst is niet 100% betrouwbaar

84

5 oVan daghene om des heeren clage. — Soe wie gedaghet wort om des tsgraven claghe, hy mach hem recht doen sonder ghyselingen voer tberijt; laet hy hem te banne doen, men salne beryden ende doen op(t) ghyselhuus; ende des ander daghes sal hem recht doen by vonnisse der ghezworne, of hy sal quite gaen van den steene.

51. Hoe dat ghysele haren cost doen. — Elc ghysel sal synen cost doen van sijns selves goede ende van sijnre vrienden, die hy vervoechden mach.

522). Van vredeghysel te houden. — Men sal vredeghysel niet houden dan om vrede; is dat sake, dat een vredeghysel hem selven wil verwedden voer penninghe of voer ander sake, men salt hem niet ghedoghen tensi voer den grave of voer den burchgrave. In wat ambochte maer een scoutate en es, dieselve sal vredeghysel worden, ende sijnre meer in een ambochte dan een, diegheene, die de grave kiest, sal vredeghysel worden. Ende alle dieghene, die sijn wille(n) in sijn gheselscape, sullen met hem quiten ghyselstere^ Sijn eenighe liede in eenighen ambochte, die met haren vrienden ghyselen willen gheven, dat ghedoghet hem die chore.

53. Van ghysele, die onderlinge geghyselt zijn. — So waer liede gheghyselt sijn onderlinghe, draghen sijs by hem selven over een ende dat betoghen of doen betoghen voer den grave of voer den burchgrave of voer den bailliu, si sullen quite sijn van der ghyselinghen.

54. Van ghisele om vrede ende om t(s)lants oerbaire. — Soe wie ghysel worden om vrede of om oerbaer tslants of om verboornesse Bewesterscelt, die sal men binnen der vierscaeren legghen, daer die grave wille of die burchgrave of die bailliu, daer si seker ligghen, by kennisse der ghezworne, ende si zullen hebben wandelinge in die prochie, daer men se in leyt, op LX pont. Ende ontgaet eenich ghysel, dier jeghen leghet, hy sal(t) betoghen voir drie ghezworne, so mach hy vvaeren sonder boete. Die ghysele van Beoisterscelt die sal men legghen binnen der graefscip by

1) Zie A I art. 3, A III art. 3.

2) Zie A I artt. 46 en 47, A III artt. $" en 5^-