Onderstaande tekst is niet 100% betrouwbaar

volgt ende daerom begeren wy noch dat ghi onse huysgesynde ende onderseten voerscreven los ende leedich wilt doen quytschelden van hore gevangnissen ende alre geloifden die sy off hore borgen daerom gedaen hebben. So willen wy om uwen wille ende om vrientschap tusschen u ende ons ende onser beider lande te bat te blyve die have die sy in dem velde verloyren ende geit dat sy betaelt hebben gerne laten staen VI weken nae dien dat onse lieve broider weder in sine lande coempt, sunder argelist, ende dan recht off bescheit daraff nemen by hem ende synen raide. Ende en mucht ons des nyet geschien ende ghi ons daige verseght so moesten wy clagen dar ons des noit weer, uwe antwerde hieraff willt ons doen schryven ende wedersenden mit desen boide. Got bewaere u altoes. Geschreven to Hoye up onsen huyse Xlt daige in Decembri.

Johan van Beyeren, elect van Ludic ende greve te Loen.

No. 55. 4 Januari 1393.

Fol. 30. Eirwirdige in Goide, lieve gemynde neve, as ir uns nu geschreven hait vermanende van den sachen van Steyne darup wir uch eyne antwerde geschreven soelden hain dat wir nyet en hain kunnen gedaen vur unsen groissen unieeden dat wir uch bidden nyet vur ungunst zu nemen begerende wir uyrre lieffden zu wissen as wir uch ouch vur geschreven hain dat unse sun van Gelren die gevangenen in synre hant hait. Ind dat her Johan van dem Velde den gevancgenen dach gheven mach bis Pynxsten neestekomende as hee uch ouch selver geschreven hait as wir verstanden hain. Also lieve neve dat wir in den sachen buyssen unsen sun van Gelre nyet doen en moegen ind bidden uch darom vruntlichen dat ir die sachen guetlichen wilt laissen bestaen bis unse sun van Gelre komen is, want wir waile wissen dat

Sluiten