Onderstaande tekst is niet 100% betrouwbaar

No. 69. . . Augustus 139 ..

Fol. 40. An unse guede vrunde, gemeyne rittere ind

kneichts des landtz van Guilge.

Reynoult, sun zu Guilge.

Unse vruntliche groysse altzyt vurscreven guede vrunde, vvir bidden uch vruntlichen umb unss verdienstnisse wille dat ir unsen lieven gemynden heren ind vaider wilt underwysen ind berichten dat hee uns deylinge ind guedinge doe as ir dat waile wist dat uns des noyt is ind lancge geweist hait, want wir unsen lieven gemynden heren ind vaider vurscreven zu maile noede ertzornen soulden, as lange wir dat verhueden moegen, van noyde wegen weirt sache dat uns egeyne deylinge geschien en kunde. Ind as wir des dan nyet lancger verhalden en kunden so moesten wir doin dat wir nyet gerne en doin off uns noit nyet darin en druncge. Ind bidden uch vruntlichen dat ir dat bestein diesen sachen doin wilt, want wir 't oevel lancger alsus verhalden moegen as ir dat selver waile proyven moecht. Gegeven under unsme siegele des Goedestaichs nae sent Bartholomeus daige.

No. 70.

An unse guede vrunde, hern Frambalch van Birgel, erffmarschalck tzu Guilge, hern Johan, baenritz, hern Wilhem van Syntzich den juncgen, hern Heinric van Herne int Aylff van Aelroynen, drossert zu Montfort.

Reynoult, sun zu Guilge ind zu Gelren.

Unse vruntliche groisse altzyt vurscreven guede vrunde, also as wir van uch geschieden syn. as uch eyne antwerde laissen zu wissen von dem daige, laissen wir uch wissen dat wir des daichs nyet gehalden en kunnen umb beden wille

Sluiten